गिरीश महाजनांवर गुन्हा दाखल; चाकुचा धाक दाखवत धमकावल्याचा आरोप

girish mahajan
girish mahajan

जळगाव : भाजपचे नेते माजी मंत्री आमदार गिरीश महाजन पुन्हा एकदा अडचणीत सापडले आहेत. चाकुचा धाक दाखवत धमकावल्याचा आरोप महाजन यांच्यावर करण्यात आला असून, तीन वर्षांपुर्वी घडलेल्‍या घटनेबाबत दिलेल्‍या फिर्यादीवरून त्‍यांच्याविरूद्ध गुन्हा दाखल करण्यात आला आहे.

रावेर तालुक्यातील निंभोरा पोलिस स्टेशनमध्ये अॅड. विजय पाटील यांनी 9 डिसेंबरला सदरची फिर्यादीवरून गिरीश महाजन यांच्याविरुद्ध गुन्हा नोंदवण्यात आला आहे. त्यात सुनील झंवर यांनाही आरोपी करण्यात आलं आहे.

या प्रकरणाचा आरोप
जळगाव जिल्हा मराठा विद्या प्रसारक मंडळाचा ताबा मिळवण्यासाठी तानाजी भोईटे आणि त्यांच्या नातेवाईकांनी आपल्याला संस्थेची कागदपत्रे देण्याच्या बहाण्याने जानेवारी 2018 मध्ये पुण्यात बोलावून घेतले होते. तिथे मला चाकूचा धाक दाखवून मारहाण केली. सर्व संचालक मंडळातील सर्व सदस्यांचे राजीनामे घेऊन संस्थेचा कारभार आमदार गिरीश महाजन यांच्या हातात द्यावा, अशी धमकी दिली. त्याचवेळी आमदार गिरीश महाजन यांनी व्हिडिओ कॉल करून एक कोटी रुपयांची ऑफर दिल्‍याचा उल्‍लेख आहे. याबाबत अॅड. विजय भास्‍कर पाटील यांनी रावेर तालुक्यातील निंभोरा पोलिस स्टेशनमध्ये दिलेल्या तक्रारीत म्हटले आहे. सदर घटनेत गिरीश महाजन यांच्यासह त्‍यांचे निकटवर्तीय म्‍हटले जाणारे सुनील झंवर यांना देखील आरोपी करण्यात आले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com