नगरदेवळा (जळगाव) : प्रवाशांना घेऊन जाणारी नादुरुस्त पॅजो रिक्षा रस्त्याच्या कडेला उभी असताना समोरून येणार डंपरने जोरदार धडक दिला. यात रिक्षातील कासोदा (ता. एरंडोल) येथील कापड विक्रेती महिला जागीच ठार झाली तर दोन महिला जखमी झाल्या. हा अपघात नगरदेवळा - आखतवाडे दरम्यान सोमवारी (ता. २१) दुपारी दोनच्या सुमारास घडला.
नगरदेवळ्याहून प्रवासी घेऊन पॅजो रिक्षा (एमएच ४१, सी ४१०५) ही आखतवाडे येथे जात असताना बिघाड झाल्याने रस्त्याच्या कडेला उभी होती. या वेळी समोरून येणाऱ्या डंपरने (एमएच १९, झेड २१०९) रिक्षाला जोरदार धडक दिली. या अपघातात शरिफा शेख जाबाज (रा. कासोदा) ही जागीच ठार झाली तर सुनीता रमेश परदेशी, सोनाबाई प्रकाश गढरी या जखमी झाल्या. त्यांच्यावर नगरदेवळा प्राथमिक आरोग्य केंद्रात प्रथमोचार करून पुढील उपचारासाठी पाचोरा शासकीय रुग्णालयात दाखल करण्यात आले. पाचोरा पोलिसात अपघाताची नोंद करण्यात आली आहे. सहाय्यक फौजदार कैलास पाटील, ज्ञानेश्वर पाटील, मनोज पाटील, अमोल पाटील तपास करीत आहेत.
संपादन ः राजेश सोनवणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
