अहमदाबाद- हावडा एक्सप्रेसवर चक्क..ट्रक आदळला 

अमळनेर ः अमळनेर ते धरगाव दरम्यान भोणे गावाजवळ रेल्वे ट्रॅकचे काम सुरू आहे. खडीने भरलेला डंपर ट्रॅकच्या बाजूला होता. कामगारांच्या बेफिकीरीमुळे अहमदाबाद- हावडा एक्स्प्रेस जळगावकडे जात असताना भरलेला ट्रक घसरून रेल्वे वर जाऊन धडकला. सुदैवाने यात कुठलीही जीवितहानी आणि वित्त हानी झाली नाही. मात्र, काही वेळ हावडा एक्सप्रेस खोळंबली.

आवश्य वाचा- दुकाने बंद ठेवल्यास कोविडपेक्षा गंभीर स्थिती 
 

भोणे गावाजवळ रेल्वे ट्रकचे काम सुरू असून ट्रकच्या जवळ खडीने भरलेला हा ट्रक उभा होता. सकाळी हावडा एक्सप्रेस जात असतांना हा ट्रक घसरून थेट रेल्वेर आदळला. एक्सप्रेस लगेच थांबल्याने मोठा अपघात टाळला. अचानक झालेल्या या घटनेने प्रवासी भयभीत झाले होते. अनेक प्रवासी खाली उतरून काय झाले ते पाहत होते. परिसरातील नागरिकांनीही घटनास्थळी धाव घेतली. बघ्यांची मोठी गर्दी जमली होती. या प्रकरणाची रेल्वे अधिकाऱ्यांनी चौकशी करण्याची गरज आहे.

रेल्वे लाईन सुरळीत

संबंधित ठेकेदाराच्या हलगर्जीपणाने ही घटना घडल्याने संताप व्यक्त होत आहे. ट्रक बाजूला झाल्यानंतर रेल्वे पुढे रवाना झाल्याने प्रवाशांनी निश्वास सोडला.

वाचा- ट्रक ‘रिव्हर्स’ घेतांनाना हमालाचा भिंतीत दबून मृत्यू
 

जेसीबीच्या मदतीने ट्रक केला बाजूला

अपघानंतर जेसीबीने डंपर खाली करून ट्रक मागे सरकवण्यात आला. त्यानंतर वाहतूक सुरू करण्यात आली. ठेकेदार अथवा कामगारांच्या बेफिकीरीने हा प्रकार घडला आहे.

संपादन- भूषण श्रीखंडे