भुसावळ : राज्यात कोरोनाचा वाढता प्रादुर्भाव रोखण्यासाठी शासनाने लॉकडाउन जाहीर केले आहे. यात आता आयुध निर्माणीचाही सहभाग राहणार आहे. त्यामुळे केवळ अत्यावश्यक सेवेत असणाऱ्या कर्मचाऱ्यांना कामावर येण्याच्या सूचना करण्यात आल्या आहेत. कोरोनाच्या ‘ब्रेक द चेन’ मोहिमेंतर्गत सुरू करण्यात आलेल्या लॉकडाउनमध्ये वरणगाव व भुसावळ आयुध निर्माणीचाही सहभाग राहणार आहे.
केवळ आयुध निर्माणी वसाहतीत राहणाऱ्या कर्मचाऱ्यांना तसेच अत्यावश्यक सेवेतील कर्मचाऱ्यांना कामावर जावे लागणार आहे. १५ ते ३० एप्रिलदरम्यानच्या काळासाठी हा निर्णय घेण्यात आला आहे. लॉकडाउनच्या पार्श्वभूमीवर राज्य शासनाने १३ एप्रिलच्या आदेशानुसार निर्बंध दिले आहेत. या पार्श्वभूमीवर आयुध निर्माणी भुसावळचे महाप्रबंधक वसंत निमजे व वरणगाव येथील महाप्रबंधक एस. के. राऊत यांनीही आयुध निर्माणीच्या कामकाजावर निर्बंधांचे आदेश बुधवारी काढले. या आदेशानुसार १५ ते ३० एप्रिलदरम्यान केवळ आयुध निर्माणीच्या वसाहतीत राहणाऱ्या कामगारांना कामावर यावे लागेल. तर उर्वरित बाहेर राहणाऱ्या कामगारांना गरजेनुसार सेक्शनप्रमुख बोलावेल त्या वेळी कामावर यावे लागेल. कर्मचाऱ्यांची संख्या नियंत्रणात राहण्यासाठी हे निर्बंध आहेत. दरम्यान, वरणगाव व भुसावळ आयुध निर्माणीतील दवाखाना, अग्निशमन केंद्र, वीजपुरवठा, पाणीपुरवठा आदी आपत्कालीन विभाग सुरू असतील. वसाहतीच्या बाहेर किंवा शहरात राहणाऱ्या कामगारांनाही सेक्शन.
संपादन- भूषण श्रीखंडे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.