भुसावळ : येथील पंचायत समितीच्या सभापती मनीषा पाटील यांच्या सभापती निवासस्थानातून चोरट्यांनी मुद्देमाल लांबविल्याची घटना मंगळवारी उघडकीस आली. याबाबत शहर पोलिसांत तक्रार करण्यात आली.
मिळालेल्या माहितीनुसार, २८ ते ३० नोव्हेंबरदरम्यान शासकीय सुटी असल्यामुळे सभापती निवास तीन दिवस बंद असल्याचा फायदा घेत चोरट्यांनी निवासस्थानाचे कुलूप तोडून ऐवज लंपास केला. ही घटना मंगळवारी सकाळी निवासस्थान उघडले असता लक्षात आली. याबाबत सभापती मनीषा पाटील यांनी सांगितले, की चोरट्यांनी निवासस्थानातून गॅस सिलिंडर व इलेक्ट्रिक मोटार नेली. याबाबत सभापती पाटील यांनी शहर पोलिसांत तक्रार दिली आहे. शहर पोलिस ठाण्याच्या हाकेच्या अंतरावर असलेल्या या सभापती निवासात चोरी झाल्याने आश्चर्य व्यक्त करण्यात येत आहे.
शासकीय निवास्थाने असुरक्षीत
शासकीय निवासस्थानांवर चोरट्यांनी यापूर्वीही हात साफ केल्याच्या घटना घडल्या आहेत. यापूर्वी रेल्वे न्यायालयाचे तत्कालीन न्यायाधीश यांच्या घरात दोन वेळेस चोरी झाली आहे. त्या वेळी देव्हाऱ्हातील चांदीचे देव, रोख रकमेसह लॅपटॉप लांबविला होता. त्यानंतर शहरातील एका पोलिस अधिकाऱ्याच्या सरकारी निवासस्थानावरही चोरट्याने डल्ला मारला.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
