बोदवड तालूक्यातील १४ गावांचा पाणी प्रश्न मिटणार!

बोदवड : पुनर्जिवित पाणीपुरवठा योजना (Water supply scheme) कार्यान्वयीत झाल्याने बोदवड तालुक्यातील १४ व मुक्ताईनगर तालुक्यातील ३ गावांचा (Village) पाणीप्रश्न मिटणार आहे. आमदार चंद्रकांत पाटील (MLA Chandrakant Patil) यांच्या हस्ते हिंगणे येथील पाणीपुरवठा योजनेचा शुभारंंभ झाला.

80 गावे प्रादेशिक पाणीपुरवठा योजनेतील बोदवड गटातील 51 गावांच्या पुनर्जिवित योजने अंतर्गत असलेल्या हिंगणे MBR येथून मुक्ताईनगर येथील ३ व बोदवड तालुक्यातील 14 गावे असे एकूण 17 गावांना आमदार चंद्रकांत पाटील यांच्या हस्ते व्हॉल्व ऊघडून मजीप्रा अंतर्गत टाकलेल्या नविन पाईपलाईन मधून पाणीपुरवठा करण्यात आला. हिंगणे MBR ची कँपँसिटी 10 लाख लिटर आहे. तालूकाप्रमूख छोटू भोई, विधानसभा क्षेत्र प्रमूख सुनिल पाटील, युवासेना जिल्हाप्रमूख पंकज राणे,युवक काँग्रेस जिल्हाध्यक्ष प्रा. हितेश पाटील, मुक्ताईनगर नगरपंचायतीचे गटनेते पियूष मोरे, गटनेते निलेश शिरसाठ, गटनेते राजेंद्र हिवराळे, नगरसेवक आरीफ आझाद, नगरसेवक मुकेश वानखेडे, नगरसेवक संतोष मराठे, नगरसेवक संतोष कोळी, नगरसेवक वसंता भलभले, महेद्र मोंढाळे, योगेश पाटिल, गोकूळ पाटिल, अण्णा पवार, मजीप्रा अभीयंता चव्हाण, ग्रा पा पु ऊपअभीयंता लोखंडे, तायडे यांची ऊपस्थिती होती.

या गावांचा समावेश
शिरसाळे , कोल्हाडी , चिंचखेड सिम , एनगाव , वरखेड , घाणखेड , वडजी हरणखेड , चिंचखेड प्रबो , हिंगणे , आमदगाव , सोनोटि , जुनोना , निमखेड , सारोळा , माळेगाव , निमखेडी या गावांचा समावेश आहे.