बेतले होते जीवावर पण निभावले शिंगांवर!

गणपूर(ता चोपडा) : येथील अशोक देवराम पाटील (शिवा आण्णा) यांच्या मालकीची बैलजोडी शेतात चरत असतांना एका बैलाने (Bull) दुसऱ्या बैलाला मारले. आणि तो बैल विहिरीत (Well) पडला. जीवावर बेतले आणि शिंगांवर निभावल्याने शेतकरी (farmer) व ग्रामस्थांनी (villagers) या बैलाला सहीसलामत बाहेर काढले. (villagers rescued the ox that fell into the well)

गणपुर येथील अशोक पाटील पाटील यांच्या शेतात दोन्ही बैल विहिरीच्या बाजूला चरत असतांना एका बैलाने दुसऱ्याला शिंगाने मारले. दुसऱ्या बैलाचा तोल गेला आणि आणि खोल विहिरीत पडला. संकट मोठे होते पाऊण लाखाच्या जोडीतला बैल म्हणजे पस्तीस ते चाळीस हजाराचे जनावर होते.

आणि गावकरी धावून आले..

मात्र वार्ता समजताच गावकऱ्यांनी शेताकडे धाव घेतली. पडक्या विहिरीचा पाण्याचा ठाव घेत सर्प नसल्याची खात्री करत दोन जण विहरीत उतरले. पूर्वी लोखंडी नांगराने नांगरणी करतांना बैलांसाठी वापरल्या जाणाऱ्या जुवार्डीचा वापर करून बैलाला दोरखंडाने बांधून दोन ट्रॅक्टरच्या साहाय्याने हळू हळू बैलाला वर काढण्यात यश आले.

पाईपांचा प्रयोग यशस्वी

विहिरीचा वापर बंद असल्याने डिलीवरीच्या दोन पाईपांना वर ठेऊन त्यावर नाडा टाकून हा प्रयोग यशस्वी झाला. बैलाचे नशीब बलवत्तर, बेतले होते जीवावर पण एक शिंग निघाले व दुसरे हलत असल्याने काढावे लागले. मात्र जीव वाचला असून बैल ठणठणीत आहे हे विशेष!