चाळीसगाव तालुक्यात १६ हजार हेक्टरवरील पिकांचे नुकसान

जळगाव ः शहरासह जिल्ह्यात सोमवार (ता. ३०)पासून जोरदार पाऊस (Heavy Rain) सुरू आहे. चाळीसगाव तालुक्यात अतिवृष्टी झाल्याने ४२ गावांतील ४३ हजार ३८५ शेतकऱ्यांच्या (Farmer) पिकांचे नुकसान (Crop Damage) झाल्याचा अहवाल जिल्हा अधीक्षक कृषी अधिकारी संभाजी ठाकूर (Agriculture Officer Sambhaji Thakur) यांनी जिल्हाधिकारी अभिजित राऊत (Collector Abhijit Raut) यांच्याकडे मंगळवारी (ता. ३१) सादर केला. एकूण १५ हजार ९१५ हेक्टरवरील खरीप हंगामातील पिकांचे नुकसान झाले.

पालकमंत्र्यांनी शेतकऱ्यांशी संवाद साधला
चाळीसगाव तालुक्यातील अतिवृष्टी झालेल्या गावांत जिल्हाधिकारी अभिजित राऊत, पालकमंत्री गुलाबराव पाटील, आमदार गिरीश महाजन आदींनी पाहणी करून नुकसानग्रस्त शेतकऱ्यांशी संवाद साधला.

झालेले नुकसान असे
कोरडवाहू ज्वारी ः १४३ हेक्टर
बाजरी ः २५० हेक्टर
बागायती कापूस ः १२ हजार २१५
मका ः ३ हजार ५०
इतर पिके ः १००
फळपिके ः १५०
एकूण ः १५ हजार ९१५ हेक्टर