जळगाव जिल्हा बँकेत भाजपची माघार..निवडणूकीवर बहिष्कार

जळगाव ः जिल्हा मध्यवर्ती सहकारी बँकेच्या निवडणुकीसाठी (Jalgaon District Bank)आज अर्ज माघारीच्या शेवटच्या दिवशी भारतीय जनता पक्षाच्या सर्व उमेदवारांनी माघार घेत निवडणूकीवर (Election) बहिष्कार टाकला. भाजपने निवडणूकीत माघार घेत राजकीय खळबळ उडाली आहे. यामुळे या निवडणुकीत महाविकास आघाडीचा (Mahavikas Aghadi) जिल्हा बँकेवर झेंडा फडकल्याचे ही स्पष्ट झाले आहे.

जळगाव जिल्हा बँक निवडणूकीत आधी सर्व पक्षीय पॅनलची चर्चा होती. पंरतू काँग्रेस पक्षाने बीजेपी सोबत जाण्यास नकार घेतल्यानंतर राष्ट्रवादी त्यांतर शिवसेनेकडून बीजेपी सोबत जाण्यास नकार दर्शविला होता. त्यानंतर महाविकास आघाडी विरुध्द भारतीय जनता पार्टी पॅनलच्या उमेदवारांनी उमेदवारी अर्ज दाखल केला होता. परंतू आज उमेदवारी अर्ज माघारी घेण्याच्या शेवटच्या दिवशी भाजपच्या सर्वच उमेदवारांनी माघार घेत निवडणूकीवर बहिष्कार टाकला. त्यामुळे महाविकास आघाडीचा विजयाचा मार्ग सोपा झाला आहे.

महाविकास आघाडी भक्कम..

जिल्हा बँक निवडणूकीत महाविकास आघाडीच्या उमेदवारांनी जागा वाटप करून उमेदवारी अर्ज दाखल केला होता. भाजपकडून देखील उमेदवारांनी अर्ज दाखल केले त्यात खासदार रक्षा खडसे सारखे यांचा उमेदवारी अर्ज बाद तसेच अनेक उमेदवारांचे अर्ज बाद झाल्याने निवडणूकीत भाजप शक्ती कमी पडणार असल्याचे चित्र होते.

बँकेत केवळ राजकारण- महाजन

भाजपचे नेते आमदार गिरीश महाजन यांनी जिल्हा बँक निवडणूकीत बॅंकेत केवळ राजकारण सुरू असून शेतकऱ्यांच्या हिताला काळे फासले जात असल्याचा आरोप करत निवडणूक न लढविण्याचा निर्णय जाहीर केला.