जळगाव : जिल्ह्यातील कोरोनाचा (corona) संसर्ग आटोक्यात येत असताना, आता रोज आढळून येणाऱ्या रुग्णांची (patient) संख्या शंभराच्या टप्प्यात आली आहे. सोमवारी (ता. ७) १०२ रुग्ण समोर आले. मंगळवारी (ता. ८) १०९ नवे बाधित आढळले, तर ३२८ रुग्ण दिवसभरात बरे झाले व दोघांचा मृत्यू (death) झाला.
(jalgaon district corona patient daily numbers hundred)
जळगाव जिल्ह्यात दीड महिन्यांपासून रुग्णसंख्या नियंत्रणात येत असल्याचे चित्र आहे. नवीन बाधितांची संख्या कमी होत असून, बरे होणाऱ्यांचा आकडा वाढत असल्याने सक्रिय रुग्णही घटले आहेत. मंगळवारी प्राप्त पाच हजार ३९६ चाचण्यांच्या अहवालात नव्या १०९ रुग्णांची नोंद झाली. एकूण रुग्णसंख्या एक लाख ४१ हजार १०३ वर पोचली, तर ३२८ रुग्ण बरे झाल्यानंतर बरे होणाऱ्यांचा आकडा एक लाख ३५ हजार ९२९ झाला आहे. जिल्ह्यात गेल्या २४ तासांत दोघांचा मृत्यू झाला.
असे आढळले रुग्ण
जळगाव शहर १२, भुसावळ पाच, पाचोरा सहा, रावेर सहा, चाळीसगाव २०, एरंडोल ४९, अमळनेर, चोपडा, भडगाव, जामनेर, बोदवड या तालुक्यांत प्रत्येकी एक रुग्ण आढळून आला, तर जळगाव ग्रामीण, पाचोरा, धरणगाव, मुक्ताईनगर या तालुक्यांत एकाही रुग्णाची नोंद झाली नाही.
लसीकरण थंडावले
जिल्ह्यातील विविध केंद्रांवर मंगळवारी लसींच्या साठ्याअभावी लसीकरण थंडावल्याचे चित्र होते. दिवसभरात जिल्ह्यातील केंद्रांवर १,६१८ जणांना पहिला डोस, तर ९०७ जणांना दुसरा डोस देण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.