मुक्ताईनगर ः राष्ट्रवादी प्रवेशासाठी ज्येष्ठ नेते एकनाथ खडसे हे आज दुपारी 2 वाजून 25 मिनिटांनी सहकुटुंब मुंबईला विशेष चार्टर्ड हेलिकॉप्टरने रवाना झाले. मुक्ताई साखर कारखान्याच्या हेलिपॅडवरून त्यांनी मुंबईच्या दिशेने उड्डाण केले. खडसेंसोबत त्यांच्या पत्नी मंदाकिनी खडसे, कन्या ऍड. रोहिणी खडसे तसेच केअर टेकर गोपाळ चौधरी हे देखील हेलिकॉप्टरमध्ये आहेत.
एकनाथ खडसे यांनी बुधवारी दुपारी भाजपच्या प्राथमिक सदस्यत्वाचा राजीनामा दिला. त्यानंतर काही वेळेतच मुंबईत राष्ट्रवादीचे प्रदेशाध्यक्ष जयंत पाटील यांनी खडसे हे शुक्रवारी दुपारी दोन वाजता मुंबईत शरद पवारांच्या उपस्थितीत राष्ट्रवादीतप्रवेश करणार असल्याची घोषणा केली होती. या साऱ्या घडामोडींनंतर राज्याच्या राजकीय वर्तुळात मोठ्या प्रमाणात खळबळ उडाली आहे.
एकनाथ खडसेंच्या राष्ट्रवादी प्रवेशाची निश्चितता झाल्यानंतर त्यांच्या आजच्या मुंबई दौऱ्याकडे सर्वांचे लक्ष लागले होते. खडसेंसोबत कोण कोण मुंबईत जाणार याबाबत खूप उत्सुकता होती. अखेर ते सहकुटुंब मुंबईला रवाना झाले. खडसे मुंबईला जात असताना त्यांना निरोप देण्यासाठी त्यांचे समर्थक मोठ्या संख्येने मुक्ताई साखर कारखान्याच्या आवारात आलेले होते.
समर्थक देखील मुंबईला जाणार
एकनाथ खडसेंचा राष्ट्रवादीत प्रवेश सोहळा उद्या मुंबई येथे होणार आहे. त्यासाठी खडसे समर्थक मोठ्या प्रमाणात मुंबईला निघणार आहे अशी माहिती मिळाली आहे.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
