हतनूर धरणाचे १४ दरवाजे उघडले,नदी काठच्या गावांना सावधानतेचा इशारा

जळगावः जिल्ह्यातील भुसावळ तालुक्यातील हतनूर धरणाच्या (Hatnur Dam) मध्यप्रदेश (Madhya Pradesh) व विदर्भातील (Vidarbha) पाणलोट क्षेत्रात जोरदार झालेल्या पावसामुळे धरणात मोठ्या प्रमाणात पाण्याची पातळी वाढली आहे. गुरूवारी रात्री साडेदहाला आठ दरवाजे उघडण्यात आले तर आज सकाळी 7 वाजता धरणाचे 14 दरवाजे पूर्ण उघडण्यात आले असून तापी नदीपात्रात 300 क्युसेक पाणी सोडण्यात आले आहेत. त्यामुळे नदीकाठच्या गावांना सावधानतेचा (Warning) इशारा दिला आहे.

जळगाव जिल्ह्यत गेल्या तिन दिवसांपासून सतत धार सुरू आहे. त्यात हतनूर धरणाच्या पाणलोट क्षेत्रात देखील चांगला पाऊस झाल्याने धरणाच्या पाणी पातळीत मोठी वाढ झाली आहे. यामुळे धरणाचे दरवाजे उघडण्याचा निर्णय घेवून सकाळी सात वाजता १४ दरवाचे पूर्ण उघडण्यात आले आहे. तर तापी नदीपात्रात ३०० क्युसेक पाणी धरणातून सोडण्यात आल्याने तापी नदीला पूर आला आहे.

महिन्याभरापूर्वी पूर्ण दरवाजे उघडले

हतनुर धरणाचे मध्यप्रदेश व विर्दभात पाणलोट क्षेत्र असून महिन्याभरापूर्वी मोठ्या प्रमाणात पाऊस झाला होता. त्यावेळी हातनुर धरणाचे संपूर्ण ४१ दरवाजे पूर्ण क्षमतेने उघडण्यात आले होते. त्यावेळी तापी नदीला मोठा पूर आला होता.

नदी काठच्या गावांना सतर्कतेचा इशारा

हतनुर धरण क्षेत्रात आजून पाऊस सुरू असून धरणात आजून पाण्याचा प्रवाह येत आहे. त्यामुळे हतनूर धरणाचे दरवाजे उघडण्यात आले असून तापी नदीत धरणातून पाण्याचा मोठा विर्सग केला जात आहे. त्यामुळे तापी नदीला पुर येवू शकतो. तसेच नदी पात्रा लगत गावांमधील नागरिकांना इशारा कार्यकारी अभियंता, जळगाव पाटबंधारे विभाग, जळगाव यांच्या तर्फे दिला आहे.