शिवसेनेच्या हिंदूत्वावर बोलण्याचा मनसेला अधिकार नाही-मंत्री पाटील

जळगावः मनसे स्वःता स्टेबल नसून त्यांनीच वेळोवेळी भूमीका बदलवली आहे. तसेच झेंडे देखील बदलवीले असून शिवसेनेच्या (Shiv Sena) हिंदूत्वा विषयांवर त्यांना बोलण्याचा अधिकार नसल्याचा घणाघाती आरोप महाराष्ट्र नवनिर्माण सेनेवर (MNS) शिवसेनेचे नेते तथा मंत्री गुलाबराव पाटील (Minister Gulabrao Patil) यांनी आज केला.

जळगाव जिल्हा रुग्णालयातील रुग्णवाहिकेच्या लोकापर्णप्रसंग कार्यक्रम प्रसंगी ते बोलत होते. पुढे बोलतांना मंत्री पाटील म्हणाले शिवसेनेची १९६६ पासून हिंदुत्‍वाची भाषा बाळासाहेबांची होती आणि आज ही आहे. परंतू शिवसेनेवर बोलणारे ही त्यांचीच ही पिलावडी आहे. ज्‍यांनी ही बोलण्याची भाषा केली आहे. त्‍यावेळी ते आम्‍हाला वेड्यात काढत होते. त्यात आता बाळासाहेबांच्‍या हिंदुत्‍वाला हिसकावण्याचा प्रयत्‍न काही लोक करत असल्‍याचे देखील आरोप यावेळी मंत्री पाटील यांनी केले.

तर..स्वबळावर लढू

यावेळी जिल्हा बँकेच्या निवडणूकी संदर्भात बोलतांना मंत्री पाटील म्हणाले, की सर्वपक्षीय पॅनलबाबत प्रयत्न सुरू आहे. कॉंग्रेस वेगळी लढणार का याबाबत बैठक झाल्यावर स्पष्ट होईल. सगळ्यांनी बसून सांमजस्‍याने बिनविरोध करण्याचा आमचा प्रयत्‍न होता. जर एकत्र लढण्यावर एकमत होत नसेल तर शिवसेना स्वबळावर लढण्यास तयार आहे.

महापौर बदलवून दाखविण्याचे आव्हान..

शिवसेनेत आलेले काही भाजपचे बंडखोर नगरसेवक पून्हा भाजपात गेले आहे. बहूमत जरी असले तरी तरी त्यांनी महापौर बदलून दाखवावा असे आव्हावन भाजपला केले आहे. त्यात भाजपच्या नगरसेवकांनी गटनेतेपदाच्या नोंदणीसाठी दोन्ही पक्षांकडे नोंदणी केली आहे.