जळगाव : शहरात कोरोनाचा संसर्ग अद्याप नियंत्रणात नाही. अवघ्या दोन-तीनशे चाचण्यांमध्ये दररोज दहा- पंधरापेक्षा अधिक रुग्ण आढळून येत आहे. सोमवारी हीच संख्या २९वर पोचली. तर जिल्ह्यात ४२ नवे बाधित आढळून आले.
जळगाव जिल्ह्यातील कोरोनाचा संसर्ग नियंत्रणात असला तरी जळगाव शहराला धोक्याची घंटा देणारी आकडेवारी समोर येत आहे. शहरात दररोज दहापेक्षा अधिक रुग्ण आढळून येत असून सोमवारी प्राप्त अहवालानुसार तर शहरात तब्बल २९ रुग्ण वाढले. जिल्ह्यात दिवसभरात आढळून आलेल्या ४२ नव्या रुग्णांमध्ये ६५ टक्के रुग्ण शहरातील असल्याने चिंता वाढली आहे. जिल्ह्यातील एकूण रुग्णसंख्या ५५ हजार १२१ झाली आहे. दुसरीकहे आजही नव्या बाधितांपेक्षा बरे होणाऱ्यांची संख्या अधिक होती. सोमवारी ५५ रुग्ण बरे झाल्याने एकूण बरे होणाऱ्यांचा आकडा ५३ हजार ४२७वर पोचला आहे. गेल्या २४ तासांत एका रुग्णाचा मृत्यू झाला, त्यामुळे बळींची संख्या १३१४ झाली आहे.
असे आढळले रुग्ण जळगाव शहरातील २९ व्यतिरिक्त भुसावळला ६, अमळनेर, पाचोरा व रावेर तालुक्यात प्रत्येकी १, पारोळा, चाळीसगावला प्रत्येकी २ रुग्ण आढळले. अन्य तालुक्यांमबध्ये एकही रुग्ण आढळून आला नाही.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
