जळगाव : विधानपरिषदेच्या पदवीधर आणि शिक्षक मतदारसंघाच्या निवडणुकीत यश मिळाले. या निकालानंतर राज्याचे पाणीपुरवठा मंत्री गुलाबराव पाटील यांनी जोरदार टोलेबाजी केली आहे. या निवडणूकीतील निकालामुळे स्पष्ट होतेय की सरकार चांगले काम करत आहे. ही तर ट्रायल मॅच होती? पुढे आणखी काय होते ते पहाच; असा चिमटा गुलाबराव पाटील यांनी काढला आहे.
राज्यात महाविकास आघाडीचे सरकार आले. त्यानंतर राज्य पातळीवर प्रथमच एकत्रित निवडणूक लढलो. त्यात आम्हाला घवघवीत यशही मिळाले आहे. विशेष म्हणजे भाजपच्या जागीही आम्ही विजयी झालो आहोत. या निवडणुकीचा निकाल म्हणजे सरकार चांगले काम करत असल्याचे जनतेने दाखवून दिले आहे. अर्थात ही तर अजून ट्रायल मॅच आहे; पुढे पहा काय होते, असे पाणीपुरवठा मंत्री आणि शिवसेना नेते गुलाबराव पाटील यांनी सांगितले. धुळे-नंदूरबार येथे अमरीश पटेल यांचा झालेला विजय हा भाजचा विजय नाही. पटेल हे त्यांच्या कामामुळे निवडून आलेले आहेत, असंही ते म्हणाले. राज्यातील सरकार तीन चाकी नाही, तर हे चारचाकी सरकार आहे. हे चौथे चाक जनतेचे आहे, असेही त्यांनी सांगितले. जो शेतकऱ्यांशी भिडतो त्याला त्याचे परिणाम भोगावे लागतात. देशभरातील शेतकरी जंतरमंतरवर मंतर मारल्याशिवाय राहणार नसल्याचे देखील ते म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
