जळगाव : शहरातून जाणाऱ्या महामार्ग चौपदरीकरणाचे काम सुरू आहे. महामार्गाला लागूनच ड्रेनेज पाइपासाठी खोदण्यात आलेल्या २० फूट खोल खड्ड्यात दुचाकीसह तरुण पडल्याने गंभीर जखमी झाल्याची घटना गुरुवारी (ता. ३) सायंकाळी सातच्या सुमारास आकाशवाणी चौकाजवळील गणपती हॉस्पिटल समोर घडली.
गणपती हॉस्पिटलजवळ सांडपाण्याचे ड्रेनेज काढण्यासाठी पाइपलाइन टाकली जात आहे. यासाठी महामार्गावर सुमारे २० फूट खोल खड्डा खोदण्यात आला आहे. गुरुवारी सायंकाळी दीपक चौधरी (रा. फुकनगरी) हा आरओ सर्व्हिसिंगसाठी ग्राहकाकडे जात होता. दुचाकीने आकाशवाणी चौकाकडून प्रभात चौकाकडे जात असताना महामार्गालगतच कुठल्याही सुरक्षा उपाययोजना न करता २० फूट खोल दरीसारखी चारी खोदण्यात आली आहे. सायंकाळच्या अंधारामुळे खड्ड्याचा अंदाज न आल्याने दीपक चौधरी दुचाकीसह कोसळल्याने जखमी झाला.
दोन दिवसांपूर्वी घेतली दुचाकी
दीपक चौधरी यांनी दोन दिवसांपूर्वी नवीन दुचाकी घेतली, महामार्गावर पथदीप नसल्याने आणि कंत्राटदाराच्या निष्काळजीमुळे २० फूट खड्ड्याजवळ कुठलेही सुरक्षा उपाययोजना न केल्याने खड्डा दिसला नाही. त्यामुळे हा अपघात झाला. जखमी तरुणाला कंबरेला, मानेला व खांद्याला दुखापत झाली असून, थोडक्यात जीव वाचल्याचे प्रत्यक्षदर्शींनी सांगितले.
संपादन ः राजेश सोनवणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
