जळगाव जिल्ह्यात नवरात्रौत्सवात गरबा, दांडिया नाहीच !

जळगाव : पार्श्वभूमीवर सार्वजिनिक नवरात्रौत्सव उत्साहात परंतु साधेपणाने साजरा करुया. कोरानामुळे यावर्षी दुर्गादेवी आगमन व विसर्जन मिरणवणूकीसाठी प्रतिबंध करण्यात आला आहे. त्यामुळे मिरवणूका काढता येणार नाही. गरबा, दांडियांचे कार्यक्रम आयेाजित करता येणार नाही. असे आवाहन जिल्हाधिकारी अभिजीत राऊत यांनी केले.

आवश्य वाचा- वाळूमाफियांची आता खैर नाही; पाचोरा, भडगाव तालुक्यात कलम १४४ लागू !
 

समितीची बैठक जिल्हाधिकरी अभिजीत राऊत यांच्या अध्यक्षतेखाली झाली. यावेळी ते उपस्थितांना मार्गदर्शन करतांना बोलत होते. जिल्हा पोलीस अधिक्षक डॉ.प्रवीण मुंढे, महापालिका आयुक्त सतीश कुलकर्णी, अपर जिल्हाधिकारी प्रवीण महाजन, अपर पोलीस अधिक्षक चंद्रकांत गवळी, सचिन गोरे, उप प्रादेशिक परिवहन अधिकारी श्याम लोही, निवासी उपजिल्हाधिकारी राहूल पाटील आदि उपस्थित होते.

नियमांचे पालन करा

जिल्हाधिकारी म्हणाले की, सार्वजनिक नवरात्रौत्सव साजरा करतांना मंडळाच्या पदाधिकाऱ्यांनी शासनाच्या सुचनांचे पालन करुन शिस्तीने परंतु उत्साहात साजरा करावा. या उत्साहाच्या माध्यमातून शासनाच्या माझे कुटूंब, माझी जबाबदारी मोहिमेची, कोरोनापासून घ्यावयाच्या काळजीबाबत नागरीकांमध्ये जनजागृती करावी. मंडळाच्या पाच कार्यकर्त्यानी आरती करतांना सामाजिक अंतर पाळले जाईल याची काळजी घ्यावी.आवर्जून

वाचा- वय ८० वर्ष, पण तरुणांना लाजवेल असा जैनबाबांचा वृत्तपत्र वाटपात अजून ही जोश कायम !    
 

कोरोनाची सर्वांनी खबरदारी घ्यावी

जिल्हा पोलीस अधिक्षक डॉ. मुंडे म्हणाले की, जिल्ह्यात कोरोनाचा प्रादुर्भाव नियंत्रणात येत आहे.तो वाढू नये याची सर्वांनी खबरदारी घ्यावी. उत्सावाच्या माध्यमातून जातीयसलोखा निर्माण होण्याबरोबरच बंधुभावाची भावना निर्माण व्हावी. मंडळाच्या पदाधिकाऱ्यांनी रक्तदान शिबिरांचे आयेाजन करुन सामाजिक बांधिलकी जपावी.

एक खिडकी एक योजना

महापालिका आयुक्त कुलकर्णी म्हणाले की,
सार्वजनिक मंडळाना परवानगीसाठी त्रास होवू नये याकरीता सर्व पोलीस स्टेशनमध्ये एक खिडकी योजना राबविण्यात येईल्. याठिकाणी त्यांना आवश्यक त्या परवानग्या उपलब्ध करुन दिल्या जातील. मूर्ती संकलनासाठी केंद्र उभारण्यात येतील. त्यास सार्वजनिक मंडळांनी सहकार्य करावे, विर्सजनासाठी मेहरुण तलावाजवळ आवश्यक त्या सुविधा उपलबध केल्या जातील. 

संपादन- भूषण श्रीखंडे