पारोळा : तालुक्यातील मोहाडी येथील रामचंद्र लोटन पाटील यांच्या शेतातील खळ्यास शुक्रवारी साडेसात वाजेच्या सुमारास अचानक आग लागल्याची घटना घडली. यामुळे शेतकऱ्याचे सुमारे एक लाखाचे नुकसान झाले.
याबाबत पोलिसात मिळालेल्या माहीतीनुसार मोहाडी येथील शेतकरी रामचंद्र पाटील यांच्या शेतगट क्रमांक 66/1 मध्ये 1 लाख रुपये किमतीचा 20 बिघे शेतातील 35 ट्रँक्टर ज्वारीचा चार्यास अचानक आग लागल्याने चारा जळतांना दिसल्यानंतर पारोळा पालिकेच्या अग्नीशामक बंबास पाचारण करुन तसेच गोरख पाटील,विठ्ठल पाटील, मुकुंदा पाटील,सागर पाटील यांच्या मदतीने आग विझविण्यासाठी प्रयत्न केला.यावेळी अग्नीशामक बंब व ग्रामस्थांच्या मदतीने आग आटोक्यात आणण्याचा प्रयत्न केला परंतु सदर आगीने रुद्ररुप धारण करित संपुर्ण चारा जळुन खाक झाला. याबाबत पारोऴा पोलिसात रामचंद्र पाटील यांच्या खबरीवरुन अकस्मात आगीची नोंद करुन तपास विजय भोई करित आहे.
पशुधनास चारा कोठुन आणावा शेतकरी चिंतेत
काल रात्रीच्या सुमारास अकस्मात आगीमुळे तब्बल 1 लाख रुपयाचा चारा जळुन खाक झाल्याने पशुंना चारा कुठुन आणावा या विवंचनेत शेतकरी हवालदिल झाला आहे. यावेळी महसुल विभागाकडुन पंचनामा करण्यात आला असुन नुकसान भरपाई मिळावी अशी मागणी शेतकरी रामचंद्र पाटील व ग्रामस्थांनी केली आहे.
ग्रामस्थ आले धावून
दरम्यान मोहाडी चे माजी सरपंच रामचंद्र पाटील यांच्यासह गावातील ग्रामस्थ व अग्निशामक बंब चालक मनोज पाटील व सहकाऱ्यांनी आग विझविण्यासाठी प्रयत्न केले.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
