Jalgaon : 2 लाखांसाठी विवाहितेचा छळ

जळगाव : हुंड्याच्या पैशांसाठी विवाहितेचा मानसिक व शारीरिक छळ केल्याची घटना घडली. रामानंदनगर पोलिस ठाण्यात पीडितेच्या तक्रारीवरून सासरच्या मंडळींविरुद्ध गुन्हा दाखल झाला आहे.

शहरातील भूषण कॉलनीतील माहेरवाशीन विशाखा महाजन यांचा विवाह किरण रमेश महाजन यांच्या सोबत झाला आहे. पतीसह सासरच्यांकडून हुंड्याच्या पैशांसाठी वारंवार छळ केला जात होता. हा त्रास असह्य झाल्याने विवाहिता आपल्या माहेरी निघून आल्या. दरम्यान, शुक्रवारी त्यांनी रामानंदनगर पोलिस ठाणे गाठत तक्रार दिली. त्यानुसार पती किरण महाजन, सासरे रमेश महाजन, सासू सुलभा महाजन, राकेश महाजन, कोमल महाजन, सुधाकर महाजन, साधना सुधाकर महाजन (सर्व रा. डोंबविली) यांच्याविरुद्ध गुन्हा दाखल करण्यात आला आहे. पुढील तपास सुनील पाटील करीत आहे.