Jalgaon Crime News : अत्याचारातून अल्पवयीन मुलगी गर्भवती; संशयितास पोलिस कोठडी

जळगाव : धरणगाव पोलिस ठाण्याच्या हद्दीतील १५ वर्षीय अल्पवयीन पीडिता गर्भवती राहिल्यानंतर तिच्यावर अत्याचार झाल्याचा खुलासा झाला होता. या प्रकरणी धरणगाव पोलिस ठाण्यात दाखल तक्रारीवरून संशयित विक्की रवींद्र कोळी (वय ३५) याला अटक करण्यात आली आहे.

धरणगाव तालुक्यातील ग्रामीण भागात कुटुंबीयांसह वास्तव्यास असलेल्या पंधरा वर्षीय अल्पवयीन मुलीसोबत ओळख करून विक्की रवींद्र कोळी (वय ३५) गैरफायदा घेत अत्याचार केला होता. गेल्या सहा महिन्यापासून तो, सतत मुलीचे शोषण करत असल्याने पिडीता गर्भवती राहिली. (Minor girl pregnant from abuse Suspect in police custody Jalgaon Crime News)

हेही वाचा : असा वाढवा तुमचा ‘क्रेडिट स्कोअर’

तसेच हा प्रकार कुणाला सांगितला तर तुझ्या भावाला मारेल, अशी धमकी पीडित मुलीला दिली. या प्रकरणी पीडित मुलीच्या आईच्या फिर्यादीवरून धरणगाव पोलिसात गुन्हा नोंदविण्यात आला होता.

दाखल गुन्ह्यात पोलिस पथकाने विक्की रवींद्र कोळी याला अटक करून आज जिल्‍हा न्यायालयात हजर केले. न्यायालयाने संशयिताला पाच दिवस पोलिस कोठडीत पाठवण्याचे आदेशित केले. ॲड. सुरेंद्र काबरा यांनी सरकार पक्षातर्फे कामकाज पाहिले.