Jalgaon Anil Patil : दंगली घडविण्याचे भाजपचे तंत्र : आमदार अनिल पाटील

Jalgaon Anil Patil : मुख्यमंत्री एकनाथ शिंदे यांच्याजवळचे पालकमंत्री गुलाबराव पाटील, तर उपमुख्यमंत्री देवेंद्र फडणवीस यांच्या जवळचे ग्रामविकास मंत्री गिरीश महाजन आहेत. (MLA Anil Patil statement about BJP technique of creating riots jalgaon news)

असे असले, तरी दोघांनी कोणा अधिकाऱ्याला फोन केल्यास त्यांचे कोणताही अधिकारी ऐकत नसल्याचा आरोप आमदार अनिल पाटील यांनी आंदेालनानंतर पत्रकारांशी बोलताना केला.

मंत्री पाटील, मंत्री महाजन राज्य चालविणाऱ्यांच्या जवळची असली, तरी जिल्ह्याचा विकास खुंटला आहे. अमळनेरला दोन गटांत झालेल्या हाणामारीला दंगलीचे स्वरूप देत संचारबंदी लावली.

मात्र, एकही मंत्री त्याठिकाणी आला नाही. दोघांची मंत्रिपदे काढून नागरिकांचे कामे करणाऱ्या आमदार राजूमामा भोळे, आमदार संजय सावकारे यांना मंत्री करावे, अशी मागणी आमदार पाटील यांनी केली.

हेही वाचा : Credit Card फसवणूक....काय घ्याल काळजी?

दंगली घडविण्याचे भाजपचे तंत्र

लवकरच लोकसभा, विधानसभेच्या निवडणुका होणार आहेत. यामुळे दोन समाजांत तेढ निर्माण करून दंगली घडवायच्या व आपली राजकीय पोळी भाजून घ्यावयाची, हे भाजपचे तंत्र असल्याचा आरोपही आमदार पाटील यांना केला.

दिल्लीपासून हे तंत्र वापरले जात आहे. दोन समाजांत तेढ निर्माण करून सामाजिक शांततेचा भंग केला जात आहे. राज्यात, देशात सत्ता कोणाचीही असेना. मात्र, दोन समाजांत तेढ निर्माण करून वातावरण गढूळ करू नये, असे मला वाटत असल्याचे आमदार पाटील यांनी सांगितले.