Jalgaon : NMU कडून MSW प्रवेशाप्रक्रिया सुरू

जळगाव : कवयित्री बहिणाबाई चौधरी उत्तर महाराष्ट्र विद्यापीठाशी (NMU) संलग्नित समाजकार्य महाविद्यालये व विद्यापीठातील सामाजिक शास्त्र प्रशाळेतील समाजकार्य विभाग एमएसडब्ल्यू (MSW) अभ्यासक्रमाच्या प्रवेशासाठी समाईक प्रवेश परीक्षा (सीईटी) घेतली जाणार आहे. यासाठी विद्यापीठाच्या www.nmu.ac.in संकेतस्थळावर ऑनलाइन प्रवेश अर्ज उपलब्ध असून, प्रवेश अर्ज विद्यापीठाच्या संकेतस्थळावर भरण्याची अंतिम मुदत ४ ऑगस्ट २०२२ आहे. (MSW admission process in NMU starts Jalgaon Latest Marathi news)

ऑनलाइन अर्जासोबत कागदपत्रे आणि धनाकर्ष (डीडी) संबंधित अर्ज स्वीकृती केंद्रावर (एआरसी) ५ ऑगस्टपर्यंत जमा करावयाचे आहेत. लेखी परीक्षेतील शॉर्ट लिस्ट, विद्यार्थ्यांची गटचर्चा आणि व्यक्तिगत मुलाखत १९ व २० ऑगस्टला होणार आहे.

प्रवेशासाठी अंतिम वर्षास प्रविष्ट असलेले विद्यार्थी अर्ज करू शकतील. सामाईक प्रवेश परीक्षेत गुणवत्ताप्राप्त विद्यार्थी एमएसडब्ल्यू अभ्यासक्रमाच्या प्रवेशासाठी पात्र होतील याची सर्व इच्छुक विद्यार्थ्यांनी नोंद घ्यावी, असे विद्यापीठाच्या प्रवेशपात्रता विभागाकडून सांगण्यात आले आहे.