Jalgaon News : धमकी दिल्याने एकाची आत्महत्या

अमळनेर : तुझे लग्न जमू देणार नाही, अशी धमकी दिल्याने एकाने गळफास घेऊन आत्महत्या केली. बुधवारी (ता. २१) दुपारी दोनच्या सुमारास सुनंदा धनराज पाटील घरासमोरून जात असताना प्रकाश पाटील यांची मावशी व सुनंदाबाई पाटील यांच्यात शाब्दिक वाद झाला. पुन्हा सायंकाळी पाचला धनराज रघुनाथ पाटील घरासमोर येऊन शिवीगाळ करीत होते.

धनराजने मावशी व आजोबांना मारहाण केली. भांडण सोडवायला गेलेला मामा विजय साहेबराव पाटील यालाही मारहाण करून तुझे लग्नच जमू देणार नाही आणि लग्न कसे जमते तेच बघतो, अशी धमकी दिली. यापूर्वीही त्याने विजय पाटील यांना धमकी दिली होती. (One committed suicide due to threats Jalgaon News)

हेही वाचा : प्रेमाला धर्म आहे...?

याचे वाईट वाटून विजय साहेबराव पाटील याने शुक्रवारी (ता. २३) सकाळी बारापूर्वी सातरणे रस्त्याला शालीक पाटील यांच्या शेताच्या बांधावर चिंचेच्या झाडाला गळफास घेऊन आत्महत्या केली.

याबाबत रणाईचे येथील प्रकाश पाटील यांनी दिलेल्या फिर्यादीवरून धनराज रघुनाथ पाटील यांच्याविरुद्ध अमळनेर पोलिस ठाण्यात आत्महत्येस प्रवृत्त केल्याचा गुन्हा दाखल झाला आहे. पोलिस उपनिरीक्षक नरसिंग वाघ तपास करीत आहेत.