Jalgaon News : 6 दारूभट्ट्या उद्धवस्त

जळगाव : तालुका पोलिसांनी छापा टाकून गावठी दारूच्या सहा भट्ट्या (liquor kiln) उद्धवस्त केल्या. पोलिसांनी शेकडो लिटर कच्चे रसायन, तयार दारू नष्ट केली.

सहा संशयितांविरुद्ध तालुका पोलिसांत गुन्हा दाखल झाला आहे. (police raided and destroyed 6 liquor kiln in village jalgaon news)

नांद्रा-बुद्रुक, भोलाणे, पळसोद, असोदा व सावखेडा येथे अवैध गावठी दारू पाडण्यात येत असल्याची माहिती मिळाल्याने पोलिस पथकाने नांद्रा बुद्रुक येथील शांताराम व्यंकट सोनवणे (वय ६०) याच्याकडून एक हजार २०० रुपयांची ३० लिटर दारू,

भोलाणे येथील राकेश मधुकर कोळी (वय २७) याच्याकडून दीड हजाराची ३० लिटर दारू, पळसोद येथील रतिलाल राजाराम सोनवणे (वय ६१) याच्याकडून हजार रुपयाची २५ लिटर दारू, असोदा येथील विजय प्रकाश कोळी (वय ३८) याच्याकडून दीड हजाराची ३० लिटर दारू,

हेही वाचा : देशातले ३२ म्युच्युअल फंडांचं व्यवस्थापन आहे महिलांच्या हाती...

सावखेडा बुद्रुक येथील सिद्धार्थ मधुकर सोनवणे (वय ४२) याच्याकडून एक हजार २०० रुपयांची ३० लिटर व गोरख सोनू सोनवणे (वय ३५) याच्याकडून हजार रुपयाची २५ लिटर गावठी दारू जप्त करण्यात आली. या सर्वांविरुद्ध रविवारी (ता. १२) दुपारी दोनला जळगाव तालुका पोलिसांत गुन्हा दाखल झाला आहे.