Jalgaon : आमदार चिमणराव पाटलांच्या बंगल्यावर कडेकोट बंदोबस्त

पारोळा (जि. जळगाव) : राज्यात शिवसेनेच्या (Shivsena) बंडखोर आमदारांविरुद्ध (MLA) राज्यभरात शिवसैनिकांच्या संतापाचा उद्रेक सुरू आहे, तसेच आमदारांचे फलकांवर काळे फासणे, तसेच कार्यालयावर हल्लाबोल केला जात असल्याने शहरातील कायदा व सुव्यवस्था अबाधित राहावी. शहरात कोणताही अनुचित प्रकार घडू नये, यासाठी पारोळा येथील आमदार चिमणराव पाटील यांच्या साक्षी बंगल्यावर राज्य पोलिस कर्मचारी यांचा बंदोबस्त तैनात करण्यात आला आहे. दरम्यान, सकाळी पाच व रात्री पाच अशा एकूण दहा पोलिस कर्मचाऱ्यांचा बंदोबस्त वाढविण्यात आला आहे. (police security at MLA Chimanrao Patils bungalow Maharashtra Political News)

मुंबईत शिवसैनिकांमध्ये प्रचंड नाराजी असल्याने अनेक ठिकाणी बंडखोर आमदारांच्या कार्यालयाबाहेर शिवसैनिकांनी तोडफोड केली आहे. त्याच पार्श्वभूमीवर पोलिसांनी देखील ठिकाणी बंदोबस्त वाढवला आहे. या पार्श्वभूमीवर पारोळा येथे आमदार चिमणराव पाटील यांच्या बंगल्यावर पोलिसांचा खडा पहारा लावण्यात आला आहे. दरम्यान, शहरात कायदा व सुव्यवस्था शांततेत असून, कोणताही अनुचित प्रकार घडला नसल्याचे सूत्रांकडून सांगण्यात आले आहे.