जळगाव ः एकदा कोरोना झाल्यावर पून्हा सहसा कोरोना होत नाही, पण एकनाथ खडसेंना दोनदा नाही तिसऱ्यांदा कोरोना झाला आहे. त्यामुळे खडसेंना झालेल्या कोरोनावर संशोधन होण्याची गरज आहे, अशा खोचक टिका भाजपचे माजी मंत्री तथा आमदार गिरीश महाजन यांनी केली.
जळगाव शहरातील सुप्रीम कॅालनी येथील अमृत जलवाहिनी योजनेच्या शुभारंभ प्रसंगी आयोजित कार्यक्रम प्रसंगी ते पत्रकारांशी गिरीश महाजन बोलत होते. महाजन म्हणाले, की जळगाव जिल्ह्यात कोरोनाचा ससंर्ग वाढत असून दररोज नविन रुग्णांची संख्या वाढत आहे. पण एकनाथ खडसेंना तिऱ्यांदा कोरोना झाला आहे, त्यामुळे त्यांची चिंता वाटत आहे.
खडसेंच्या कोरोना बाबत मुख्यमंत्र्यांना माहिती दिली
दोन दिवसापूर्वी मुख्यमंत्री व उपमुख्यमंत्री यांच्यासोबत झालेल्या बैठकीत एकनाथ खडसेंना तिसऱ्यांदा कोरोना झाल्याची माहिती दिली आहे. त्यामुळे खडसेंना झालेल्या कोरोनाचा नेमका कोणता प्रकार आहे यावर संशोधन होण्याचे गरज असल्याचे ते म्हणाले.
गिरीशभाऊंचे आभार : खडसे
तीनदा नव्हे पण दोन वेळा माझा अहवाल पॉझिटिव्ह आला आणि या दोन्ही वेळेस मी बाँबे हॉस्पिटलला ॲडमिट होतो. आताही उपचार सुरू आहेत. त्यामुळे संशोधन करायचे असेल तर त्यांनी जरूर करावे. माझ्याबदल काळजी व्यक्त केल्याबद्दल गिरीश महाजनांचे आभार.
-एकनाथ खडसे, माजी मंत्री
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
