Jalgaon Crime News : शिक्षाप्राप्त कैद्यांना मिळणाऱ्या २१ दिवसांची संचित रजा संपल्यानंतरही तांबापुरातील रहिवासी कैदी छत्रपती संभाजीनगर(औरंगाबाद) कारागृहात हजर न राहता फरार झाला आहे. (prisoner on leave from prison is absconding jalgaon crime news)
गुप्त माहितीवरुन रविवारी (ता.१७) रात्री साडेबारा वाजता एमआयडीसी पोलिस ठाण्यात गुन्हा दाखल करण्यात आला आहे. कानाशा वहाब शेख उर्फ गुड्डू (वय-३५, रा. तांबापुरा, जळगाव) असे फरार बंदीचे नाव आहे.
एका गंभीर गुन्ह्यात बंदी कानाशा वहाब शेख हा छत्रपती संभाजीनगर(औरंगाबाद) मध्यवर्ती कारागृहात शिक्षा भोगत असताना कारागृह महानिरीक्षकांनी विनंतीवरुन त्यास (२१ नोव्हेंबर ते १३ डिसेंबर) दरम्यान २१ दिवसांची संचित रजा मंजूर केली होती.
रजेचा कालावधी उलटूनही न्यायालयीन बंदी गुड्डू हा मध्यवर्ती कारागृहात हजर झाला नाही. परिणामी कारागृह शिपाई महेंद्र पाटील यांनी एमआयडीसी पोलिस ठाण्यात फिर्याद दिल्यावरुन मध्यरात्री १२:३० वाजता भादवि कलम २२४ प्रमाणे गुन्हा दाखल करण्यात आला आहे. तपास पोलिस नाईक नितीन पाटील करीत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.