Mahavitaran Worker Protest : नियमबाह्य बदल्या थांबविण्यासाठी कामगारांचे धरणे सुरू

Mahavitaran Employee Transfer : महावितरणने तंत्रज्ञांच्या केलेल्या प्रशासकीय बदल्या नियमबाह्य असून, प्रशासकीय परिपत्रकाचा नियमभंग झाला आहे.

बदली प्रक्रियेची चौकशी होईपर्यंत आदेशाच्या अंमलबजावणीला स्थगिती द्यावी, अशी मागणी महाराष्ट्र वीज कामगार महासंघाने केली आहे. त्यासाठी विभागीय कार्यालयासमोर बेमुदत धरणे आंदोलन सुरू केले आहे. (protest of federation against Mahavitaran administration jalgaon news)

कामगार महासंघाने ४ जुलैला वीज वितरण कंपनीच्या कार्यकारी अभियंत्यांना निवेदन देऊन बेमुदत धरणे आंदोलनाबाबत माहिती दिली आहे. या वर्षापासून जळगाव विभागातील अनागोंदी कारभार समोर आला आहे.

प्रशासकीय व विनंती बदल्यांसंदर्भात कंपनीचे निश्चित धोरण परिपत्रक ५१४ मध्ये नमूद आहे. मात्र, या परिपत्रकाला जळगाव विभागाने धाब्यावर ठेवले आहे. या परिपत्रकात बदल्यांबाबतचे मार्गदर्शन तत्त्वांचे उल्लंघन करून वरिष्ठ तंत्रज्ञ पदाच्या १५ कर्मचारी आणि तंत्रज्ञ पदाच्या चार कर्मचाऱ्यांच्या बदल्या नियमबाह्य केल्या आहेत.

हेही वाचा : Credit Card फसवणूक....काय घ्याल काळजी?

महावितरणच्या जळगाव विभागाने प्रशासकीय बदल्या नियमबाह्य पद्धतीने केल्या असून, या बदली प्रक्रियेची चौकशी होईपर्यंत त्याला स्थगिती मिळणे गरजेचे आहे. याबाबत पत्र देऊन विनंती केली. तरीही बदली केलेल्या कर्मचाऱ्यांना बदलीच्या ठिकाणी रुजू होण्यासाठी कार्यमुक्त केले आहे.

या प्रशासनाच्या मुजोर व मनमानी पद्धतीच्या कारभाराचा निषेध करण्यासाठी बेमुदत धरणे आंदोलन सुरू करण्यात आले आहे. आंदोलनात विभागीय, सर्कल, झोन, असे तिन्ही कार्यकारिणी पदाधिकारी व सदस्य सहभागी झाले आहेत.