धुळे : कोरोनामुळे मृत झालेल्या रुग्णांच्या जवळच्या नातेवाइकास यापूर्वी काही कारणामुळे सानुग्रह अनुदान नामंजूर झालेल्या अर्जदारांनी ‘जीआरसी’कडे अपिलासाठी समक्ष उपस्थित राहावे, असे आवाहन जिल्हा आपत्ती व्यवस्थापन प्राधिकरणाचे मुख्य कार्यकारी अधिकारी तथा निवासी उपजिल्हाधिकारी संजय गायकवाड यांनी केले आहे.
कोरोनामुळे मृत झालेल्या रुग्णांच्या निकटच्या नातेवाइकांनी सानुग्रह अनुदानासाठी mahacovid19relief.in या पोर्टलवर ऑनलाइन अर्ज दाखल केले होते. त्यातील काही अर्ज विविध कारणांमुळे नामंजूर झाले. नामंजूर सर्व प्रकरणांबाबत अर्जदाराची सानुग्रह सहाय्य मिळण्याची संधी कायम ठेवून त्यासाठी अर्जदारास ‘ॲपिअल टू जीआरसी’ अशी सुविधा उपलब्ध करून दिली आहे. या सुविधेचा अनेक अर्जदारांनी लाभ घेतला असून, त्यांच्या अर्जावरील सुनावणी सुरू झाली आहे. मात्र, अद्याप काही अर्जदारांनी या सुविधेचा लाभ घेतलेला नाही. त्यामुळे ज्या अर्जदारांनी जीआरसी (तक्रार निवारण समिती) कडे अपील केले आहे, अशा अर्जदारांच्या अर्जावर ‘जीआरसी’कडे सुनावणी सुरू झाली आहे.
अशा अर्जदारांना पोर्टलवर नोंदविलेल्या मोबाईल क्रमांकावर संदेश प्राप्त होईल. या संदेशात ‘जीआरसी’ समक्ष उपस्थित राहण्याची तारीख, वेळ व स्थळ नमूद असेल. त्यांनी आवश्यक सर्व मूळ कागदपत्रांसह समितीकडे समक्ष, सोबत जबाबदार प्रतिनिधींनी उपस्थित राहावे.
ही कागदपत्रे आवश्यक
कोरोनामुळे मृत्यू झाल्याचा मूळ मृत्यू दाखला, कागदपत्रांच्या प्रमाणित प्रती, मृत व्यक्तीचा मृत्यू दाखला, मृत व्यक्तीचा मूळ आरटी-पीसीआर /आरएटी रिपोर्ट, मृत व्यक्तीचा मृत्यूचा मूळ तपशील (एमसीसीडी), मृत व्यक्तीचा मूळ सीटी स्कॅन रिपोर्ट, मूळ रक्त तपासणीचे अहवाल, दवाखान्यात ॲडमिट असताना, उपचाराचे मूळ किंवा प्रमाणित केलेली कागदपत्रे, रुग्णाचा मृत्यू झाल्यानंतर ३० दिवसांच्या आत झाला असल्याचे दर्शविणारे कागदपत्र, मृत व्यक्ती व अर्जदार धुळे जिल्ह्याचे रहिवासी असल्याचा दाखला, प्रमाणपत्र, मृत व्यक्तीचे मूळ आधारकार्ड, अर्जदारांचे मूळ आधारकार्ड, मृत व्यक्तीच्या आधार कार्डवरील नावात व मृत्यू दाखल्यावरील नावात तफावत असल्यास ॲफेडेव्हीट, अर्जदाराचे नाव नमूद असलेला बँकेचा धनादेश/बँकेचा तपशील, अर्जदाराच्या बँकेचा तपशिलाचा व ऑनलाइन अपलोड केलेल्या बँकेच्या तपशिलात ताळमेळ असावा, कुठल्याही कागदपत्रांवर खाडाखोड नसावी.
खोटी माहिती दिल्यास कारवाई
खोटी कागदपत्रे तयार करणे, चुकीची व दिशाभूल करणारी माहिती देणे, दुबार सानुग्रह अनुदानासाठी प्रयत्न करणे या बाबी फौजदारी स्वरूपाच्या असल्याने असा प्रयत्न करणाऱ्या व्यक्तीविरुद्ध कारवाई करण्यात येईल, असेही निवासी उपजिल्हाधिकारी गायकवाड यांनी नमूद केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.