चोपडा-शिरपूर रस्त्यावर रस्तालूट; 60 हजारांचा ऐवज लंपास

या दरोड्यातील सातही जणांना चोपडा ग्रामीण पोलिसांनी अवघ्या १४ तासात जेरबंद करण्यात यश आले आहे.
Looted cash
Looted cashesakal

चोपडा (जि. जळगाव) : शहराकडून शिरपूरकडे कापसाचे बियाणे भरलेल्या ट्रकला दरोडेखोरांनी बुधगाव फाट्याजवळील हॉटेल रंगतजवळ अडवून गाडीच्या काचा फोडल्या. चालक व क्लिनर यास दमदाटी करून गाडीच्या डिक्कीतील रोख रक्कम ५० हजार रुपये व पाच हजार किमतीच्या दोन बॅटरी असा एकूण ६० हजारांचा मुद्देमाल लंपास केला. ही घटना बुधवारी (ता. २५) पहाटे तीनच्या सुमारास घडली. या प्रकरणी चोपडा ग्रामीण पोलिस ठाण्यात सात जणांविरुद्ध गुन्हा दाखल करण्यात आला आहे. दरोड्यातील सातही जणांना चोपडा ग्रामीण पोलिसांनी अवघ्या १४ तासात जेरबंद करण्यात यश आले आहे.

मलकापूर येथून अंकुर कापसाचे बियाणे भरून ट्रक (जीजे ०३, एटी ०२१८) अहमदाबाद येथे जात होता. या ट्रकचा पाठलाग करत मागून येणारी टाटा मॅजिक गाडीने (एमएच १९, एएक्स ८२२५) ट्रकला ओव्हरटेक करून ट्रकच्या पुढे वाहन आडवे लावले. टाटा मॅजिकमधील रवींद्र राजेंद्र कोळी (२३), राहुल एकनाथ पाटील ( १९), सोनू उर्फ ज्ञानेश्वर कोळी (२३), भुरा उर्फ धनगराज सोनवणे (२३), गजानन किशोर पाटील (२१), रवींद्र सुरेश कोळी (२९), अभिषेक रावसाहेब कोळी (२३) (सर्व रा. वर्डी, ता. चोपडा) हे सातही जणांनी ट्रकचालक व क्लीनर यांना दमदाटी करत ट्रकच्या काचा फोडून, ट्रकच्या डिक्कीतील रोख ५० हजार तसेच पाच हजार किमतीच्या दोन बॅटरी असा एकूण ६० हजार रुपयांचा मुद्देमाल घेऊन जात होते. याबाबत गस्तीवर असलेल्या ग्रामीण पोलिसांना माहिती मिळताच पोलिस तत्काळ घटनास्थळी दाखल झाले. तेव्हा टाटा मॅजिक गाडीचा चालक रवींद्र कोळी हा पळून जात असताना पोलिसांनी पाठलाग करून त्यास ताब्यात घेतले. त्यावेळी त्याला इतरांचे नावे विचारले असता त्याने वरील संशयितांची नावे सांगितली. घटनेनंतर अवघ्या १४ तासांत चोपडा पोलिसांनी सर्व संशयितांना ताब्यात घेतले.

Looted cash
जळगाव : रस्त्यांची दुर्दशा, त्यात दोषपूर्ण कामांनी नागरिकांचे हाल

या संदर्भात हेमूभाई पोपटभाई अनियालिया (वय ३९, रा. देवलिया, ता. थान, जि. सुरेंद्रनगर, गुजरात) यांच्या फिर्यादीनुसार वरील सात जणांवर चोपडा ग्रामीण पोलिस ठाण्यात दरोड्याचा गुन्हा दाखल करण्यात आला आहे. पोलिस उपनिरीक्षक अमरसिंग वसावे तपास करीत आहेत. सातही जणांना गुरुवारी (ता. २६) चोपडा न्यायालयात हजर केले असता त्यांना २८ पर्यंत पोलिस कोठडी मिळाली आहे.

Looted cash
जळगाव : मनपा आयुक्तांचा कामाच्या जागेवर तपासणीचा दणका

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com