Taloda Bribery Case: शेतीचा ३२ एम नमुना प्रमाणपत्रासाठी मागितली लाच, ५ हजार घेताना अव्वल कारकून जाळ्यात, याआधीही लाचखोरीचा गुन्हा

तळोदा: शेतीचा ३२ एम नमुना प्रमाणपत्र देण्यासाठी पाच हजारांची लाच घेताना येथील सहायक महसूल अधिकारी (वर्ग-३) कार्यालयातील अव्वल कारकून रवींद्र निंबा कानडे (वय ५२) यांना नंदुरबार लाचलुचपत प्रतिबंधक विभागाच्या पथकाने मुद्देमालासह पकडले. ही कारवाई मंगळवारी (ता. ४) सकाळी साडेअकराच्या सुमारास तहसील कार्यालयाबाहेरील दुकानात करण्यात आली.