अमळनेर/कळमसरे : पाडळसरे (ता. अमळनेर) येथील धरणाचे काम हे टप्प्याटप्प्याने सुरू आहे. कळमसरे -मारवड दरम्यान रस्त्यालगत एका शेतात लोखंडी गेट बनविणे सुरू आहे. येथील लोखंडी गेट चोरी झाल्याने मारवड पोलिस ठाण्यात गुन्हा दाखल करण्यात आला आहे.
अमळनेर - नीम रस्त्यावरील कळमसरे शिवारातील रस्त्यावरील गट क्रमांक १३७ मधील शेतात पाडळसरे धरणाच्या कामासाठी लागणारे लोखंडी गेट तयार करण्याचे काम सुरू आहे. बऱ्याच वर्षांपासून धरणाचे काम संथगतीने सुरू असल्याने हे लोखंडी गेट त्या ठिकाणी शेतात पडून आहेत. (Theft of dam iron plate Filed a case in police station Jalgaon News)
दरम्यान, गुरुवारी (ता. २९) चोरट्यांनी ४ लाख ६४ हजार ९४० रुपये किमतीच्या १६ टन लोखंडाच्या २८७ प्लेट्सची चोरी केली. या प्रकरणी येथील सुपर वायझर दिनेश चौधरी यांनी फिर्याद दिल्याने गुन्हा दाखल करण्यात आला आहे.
सुरक्षितेविषयी प्रश्‍नचिन्हे
मागील तीन वर्षांपूर्वी येथे डिझेल, डीपी चोरीला गेल्याची घटना घडली होती. तर बऱ्याच वेळा किरकोळ वस्तू चोरीला गेल्या आहेत. आता लोखंडी प्लेट चोरीला गेल्याने एकूणच सुरक्षिततेविषयी प्रश्‍नचिन्ह निर्माण झाले आहे. गेल्या पाच महिन्यांपासून यंत्रणा काय करीत होती, असाही प्रश्न उपस्थित होत आहे. दरम्यान, या घटनेचा सहाय्यक पोलिस निरीक्षक राकेश परदेशी यांच्या मार्गदर्शनाखाली पोलिस उपनिरीक्षक बाळकृष्ण शिंदे तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
