लाकूड व्यापाऱ्यांकडून दिवसाढवळ्या वृक्ष कत्तलीसह तस्करी

निंभोरी (ता. पाचोरा) : सोयगावच्या काही लाकूड व्यापाऱ्यांकडून पाचोरा तालुक्यातील पिंपळगाव हरेश्र्वर, शिंदाड, सार्वे, पिंप्री, डांभुर्णी, सावखेडा, वरसाडेसह इतर गावांच्या शेतीशिवारात दिवसाढवळ्या हिरव्यागार महाकाय वृक्षांची स्वयंचलित मशिनच्या साह्याने कत्तल सुरू असून, दररोज शेकडो वृक्ष भुईसपाट केली जात आहेत. याकडे वन विभाग दुर्लक्ष करीत आहे. हे व्यापारी ट्रक व इतर वाहनातून ताडपत्री लावून लाकडाची वाहतूक करताना दिसून येत आहे. दरम्यान, याबाबत वन विभागाचे पाचोरा येथील अधिकारी मुलाने यांनी संबंधित लाकूड व्यापाऱ्यांवर कारवाई करण्यात येईल, असे आश्वासन दिले आहे.