Jalgaon News : केंद्रीय आरोग्य मंत्री मांडवीयांनी केले जळगाव महापालिकेचे कौतुक

Jalgaon News : महापालिकेतर्फे क्षयरोग रुग्णांना वाटप करण्यात आलेल्या फूड बास्केटच्या कार्याचे केंद्रीय आरोग्यमंत्री मनसुख मांडवीय यांनी ट्विट करून कौतुक केले. जळगाव महापालिकेने रुग्णांना महिन्याभरासाठी महापालिका आयुक्त डॉ. विद्या गायकवाड यांच्या हस्ते फूड बास्केटचे वाटप केले होते.( Union Health Minister Mandaviya praised Jalgaon Municipal Corporation jalgaon news )

महापालिकेच्या या उपक्रमाची राज्य सरकारने दखल घेतली होती. या कामाचे कौतुक केले होते. तसेच केंद्र शासनाने आता या कामाची दखल घेतली आहे.

श्री. मांडवीय यांनी आपल्या हँडलवर महापालिका आयुक्तांनी वाटप केलेल्या फूड बास्केटचे छायाचित्र ‘शेअर' केले आहे. श्री. मांडवीय यांनी ट्विटमध्ये म्हटले आहे की, जब साथ हो नि-क्षय मित्रो का प्यार, टी. बी कि निश्‍चय होगी हार! महापालिकेच्या फूड बास्केट योजनेबद्दल अभिनंदन.

केंद्रीय आरोग्यमंत्र्यांनी दखल घेतल्यामुळे महापालिकेच्या कामात एक मानाचा तुरा खोचला गेला आहे. महापालिकेचे आरोग्याधिकारी डॉ. राम रावलांनी यांनी केंद्र सरकारने महापालिकेच्या कार्याचे कौतुक केल्यामुळे चांगले काम करण्यासाठी आमच्या आरोग्य यंत्रणेला अधिक बळ मिळाले आहे, अशी भावना व्यक्त केली.