ग्रामविकास अधिकाऱ्यास लाच घेताना अटक; ACBची कारवाई | Sakal
sakal

बोलून बातमी शोधा

Bribe

ग्रामविकास अधिकाऱ्यास लाच घेताना अटक; ACBची कारवाई

चोपडा (जि. जळगाव) : ठेकेदाराकडून पंधराव्या वित्त आयोगाच्या निधीतून गटार व ढापे बांधण्याच्या कामाचे बिल मिळण्यासाठी अकरा हजार रुपयांची लाच स्वीकारताना लाचलुचपत प्रतिबंधक विभागाने ग्रामविकास अधिकाऱ्यास अटक केली आहे. ही घटना चोपडा - शिरपूर रस्त्यावरील हॉटेल जयेशवर सोमवारी (ता. ९) दुपारी चार ते पाचच्या दरम्यान घडली.

तालुक्यातील वर्डी येथे पंधराव्या वित्त आयोगांतर्गत निधीतून गटार व ढापे बांधण्याचे काम ठेकेदाराने पूर्ण केले. मात्र या कामाचे बिल मिळण्यासाठी वर्डी ग्रामपंचायतीचे ग्रामविकास अधिकारी भगवान पांडुरंग यहिदे (रा. बोरोलेनगर २, चोपडा, ग्रामपंचायत वर्डी, ता. चोपडा) यांनी तक्रारदार यांच्याकडे सदर कामाचे बिल अदा करणेकामी १२ हजार ५०० रुपयांची मागणी केली होती. तडजोडीअंती ११ हजार देण्याचे ठरले.

हेही वाचा: जळगाव : कत्तलीसाठी गोवंश घेऊन जाणाराट्रक पकडला; 2 वासरू मृत

ग्रामविकास अधिकारी यांच्या मागणीनुसार सोमवारी (ता. ९) चोपडा- शिरपूर रस्त्यावरील हॉटेल जयेशवर ग्रामविकास अधिकारी भगवान पांडुरंग यहिदे यास ठेकेदाराकडून ११ हजार रुपयांची लाच घेताना लाचलुचपत प्रतिबंधक विभागाच्या पथकाने सापळा रचून पकडले. सापळा कार्यवाही दरम्यान यहिदे यांना ताब्यात घेऊन अटक करण्यात आली आहे. ही कारवाई राजन कदम, शरद काटके, संतोष पावरा, श्री.मोरे, सुधीर मोरे यांच्या पथकाने केली आहे.

हेही वाचा: राज्यातील शिक्षकांचा वेतनाचा प्रश्न सुटणार; शासनातर्फे निधी मंजूर

Web Title: Village Development Officer Arrested For Taking Bribe Jalgaon Crime News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :JalgaonCrime Newsbribe
go to top