जांभळाचा मोह जिवावर बेतला; झाडावरून पडल्याने तरुणाचा मृत्यू | Sakal
sakal

बोलून बातमी शोधा

death

जांभळाचा मोह जिवावर बेतला; झाडावरून पडल्याने तरुणाचा मृत्यू

जळगाव : जांभूळ तोडताना फांदी तुटल्याने जमिनीवर पडल्याने गंभीर जखमी झालेल्या एकाचा रविवारी (ता. ८) पहाटे उपचारादरम्यान मृत्यू झाल्याची घटना समोर आली आहे. याप्रकरणी रामानंदनगर पोलिस ठाण्यात अकस्मात मृत्यूची नोंद करण्यात आली आहे.


शहरातील हरिविठ्ठलनगरातील गांधीनगर येथील ज्ञानेश्वर सुकदेव सकट (वय २२) हा तरुण आपल्या आईवडील व दोन भावांसह वास्तव्याला आहे. ज्ञानेश्वर सकट हा महापालिकेत ठेकेदाराकडे वॉटरग्रेसवर गेल्या दोन वर्षांपासून कामाला होता. शनिवारी (ता. ७) रामानंदनगर येथील गिरणा टाकीजवळील एका जांभळाच्या झाडावर चढला होता. जांभुळ तोडत असताना झाडाची फांदी तुटल्याने ज्ञानेश्वर थेट जमिनीवर कोसळला. डोक्याला गंभीर दुखापत झाली. तातडीने जिल्हा शासकीय वैद्यकीय महाविद्यालयात दाखल करण्यात आले. रविवारी पहाटे उपचारादरम्यान मृत्यू झाला. याबाबत रामानंदनगर पोलिस ठाण्यात अकस्मात मृत्यूची नोंद करण्यात आली आहे. मयत ज्ञानेश्वर सकट याच्या पश्चात आई मंगलाबाई, वडील सुकदेव आणि आकाश व प्रकाश हे दोन भाऊ आहेत.

हेही वाचा: बापरे! जळगावात महिनाभरात 441 जणांना चावले भटके कुत्रे

हेही वाचा: जळगाव : कापसाला यंदा नऊ हजारांवर दराचे संकेत

Web Title: Young Man Dies After Falling From Tree In Jalgaon News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Jalgaondeath
go to top