Jalgaon : तरूणाला लोखंडी रॉडने बेदम मारहाण

चाळीसगाव : चालताना धक्का लागल्याने तरुणावर लोखंडी रॉडने हल्ला केल्याची घटना घडली आहे. याप्रकरणी चाळीसगाव शहर पोलिस ठाण्यात दोन जणांविरोधात गुन्हा दाखल करण्यात आला आहे.

रोहित भिकन शिरसाठ (वय २१, रा. अण्णाभाऊ साठेनगर, रेल्वेस्थानक रोड, चाळीसगाव) हा मजुरी करून उदरनिर्वाह करतो. तो मंगळवारी (ता. १८) दुपारी साडेचारच्य सुमारास त्याच्या घराजवळून जात असताना नंदू भास्कर शिरसाठ याला चालताना धक्का लागला.(Youth brutally beaten with an iron rod Jalgaon Crime News)

याचा राग आल्याने नंदू शिरसाठ आणि बजरंग नंदू शिरसाठ या दोन्ही भावांनी रोहित याला लोखंडी रॉडने डोक्यावर मारहाण केली तर दुसऱ्याने तोंडावर वीट फेकून मारली.

यात रोहीत हा जखमी झाला. त्याला ग्रामीण रुग्णालयात उपचारार्थ दाखल करण्यात आले. त्याच्या जबाबावरून संशयित नंदू शिरसाठ आणि बजरंग शिरसाठ (दोन्ही रा. अण्णाभाऊ साठेनगर, चाळीसगाव) यांच्याविरोधात चाळीसगाव शहर पोलिस ठाण्यात गुन्हा दाखल करण्यात आला आहे. पोलिस कर्मचारी किशोर सोनवणे तपास करीत आहेत.