‘निर्भीड’चा गरीब महिलेला आधार

पिलीव (ता. माण) - मोलमजुरी करून उदरनिर्वाह करणाऱ्या दीपाली भंडारी या कुटुंबाला शिलाई मशिन देताना निर्भीड फाउंडेशनचे डॉ. चेतन गलंडे व इतर.
पिलीव (ता. माण) - मोलमजुरी करून उदरनिर्वाह करणाऱ्या दीपाली भंडारी या कुटुंबाला शिलाई मशिन देताना निर्भीड फाउंडेशनचे डॉ. चेतन गलंडे व इतर.

म्हसवड - निर्भीड फाउंडेशनतर्फे पिलीव येथील वास्तव्यास असलेल्या दीपाली प्रवीण भंडारी या गरीब, मोलमजुरी करणाऱ्या कुटुंबाला शिलाई मशिन देऊन आधार देण्याचा प्रयत्न करण्यात आला.

‘थेंबे थेंबे तळे साचे’ या उक्तीप्रमाणे आपण रोजच्या खर्चातून जर काही खर्च बाजूला काढून तो जमा करून आपण एखाद्याचे आयुष्य उभे करू शकतो. चहा पिणे, कोल्ड्रिंक्‍स, हॉटेलमधील जेवण अशा बऱ्याच बाबींवर होणारा अतिरिक्त खर्च वाचवून ते पैसे एकत्र करून महिन्याचे ३०० रुपये प्रत्येकी जमा करून या योजनेत सहभागी होता येत असल्याची माहिती डॉ. चेतन गलंडे यांनी दिली. नुकतीच दीपाली भंडारी यांना शिलाई मशिन देण्यात आली. या कुटुंबाला स्वतःचे ना घर आहे, ना गुंठाभर जागा. घरही कुडाचे असून ते सुद्धा गायरान भागात आहे. या कुटुंबातील दोन वर्षांचा मुलगा थालेसेमिया या आजाराने ग्रस्त असून प्रत्येक महिन्याला त्याला रक्त भरण्यासाठी तीन ते चार हजार रुपये खर्च करावा लागतो. 

‘निर्भीड’ने या कुटुंबाला अर्थार्जनाचा एक मार्ग उपलब्ध करून दिला आहे. या पद्धतीने ही योजना दर महिन्याला राबवण्याचा निर्धार असून त्यात सर्वांनी सहभागी होण्याचे आवाहन डॉ. गलंडे यांनी केले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com