मोरगिरी (सातारा) : आंबेघर (ता. पाटण) येथे दरड कोसळून (Patan Taluka Landslide) मृत्यू झालेल्या नऊ कुटुंबांतील सर्वांना पक्की घरे बांधून देऊ. त्यांची सर्व जबाबदारी आमच्या सातारा, पाटण व पेठशिवापूरचे सदस्यांवर असेल, असे मत जमियत उलेमा-ए-हिंदचे (Jamiat Ulema-e-Hind) सचिव मौलाना हकिमुद्दीन कासमी (Maulana Hakimuddin Qasmi) यांनी व्यक्त केले. मोरणा विभागातील आंबेघर येथे पाहणी करण्यासाठी आले होते. त्या वेळी ते बोलत होते.
मोरणा भागात एकमेव पेठशिवापूरमध्ये मुस्लिम समाज आहे; परंतु या ठिकाणी कधीही जातीयवाद नाही.
जमियत उलेमा-ए-हिंदचे मौलाना जमिर, कऱ्हाडचे हाफीज आमिन, पाटणचे हाफीज अल्ताफ, पेठशिवापूरचे अब्दुल करीम, माजी जिल्हा परिषद सदस्य बशीर खोंदू, मोरगिरी मुस्लिम समाज प्रमुख व ग्रामपंचायत सदस्य महंमद इसाक खोंदू, सरपंच सुबिया मुकादम, विवेक मोहोळकर, संदीप कोळेकर, पूरग्रस्त व हिंदू-मुस्लिम कार्यकर्ते उपस्थित होते.
बशीर खोंदू म्हणाले, ‘‘मोरणा भागात एकमेव पेठशिवापूरमध्ये मुस्लिम समाज आहे; परंतु या ठिकाणी कधीही जातीयवाद नाही. सर्व जण एकमेकांच्या खांद्याला खांदा लावून राहतात. सर्वांच्या सुख दु:खात आम्ही सहभागी आहोत.’’ दरम्यान, पाटण तालुक्यातील आंबेघर, मिरगाव, ढेकावळे, घोटसह सहा गावांत दुर्घटनाग्रस्त भागातील ४० कुटुंबांना संसारोपयोगी साहित्याच्या मदतीचाही ओघ सुरुच आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
