दुचाकीच्या भीषण अपघातात दहा वर्षीय चिमुरड्याचा जागीच मृत्यू | Accident | Sakal
sakal

बोलून बातमी शोधा

Accident
दुचाकीच्या भीषण अपघातात दहा वर्षीय चिमुरड्याचा जागीच मृत्यू

दुचाकीच्या भीषण अपघातात दहा वर्षीय चिमुरड्याचा जागीच मृत्यू

रत्नागिरी - तालुक्यातील खंडाळा (Khandala) येथे बुधवारी संध्याकाळी बल्गर आणि दुचाकीच्या झालेल्या भीषण अपघातात (Accident) दहा वर्षीय चिमुरड्याचा (Child) जागीच करुण मृत्यू (Death) झाला. तर दुचाकी चालविणारे आजोबा जखमी झाले आहेत. भरधाव वेगाने येणार्या बल्गरने दुचाकीला धडक दिल्याने हा अपघात झाला आहे.

या घटनेनंतर स्थानिक ग्रामस्थ आक्रमक झाले असून त्यांनी जिंदाल कंपनीच्या अवजड वाहतुकीला आक्षेप घेत रस्तारोको केला आहे. सध्या खंडाळा परिसरात तणावाचे वतावरण असून पोलीस घटनास्थळी दाखल झाले आहेत.

हेही वाचा: ठरलं! पालिकेतील सर्व जागा राष्ट्रवादी स्वबळावर लढवणार

उपलब्ध माहितीनुसार बुधवारी सायंकळी 6 च्या सुमारास तालुक्यातील जयगडस्थित जिंदाल कंपनीच्या जेटीवरुन येणाऱ्या अवजड बल्गर चालकाने भरधाव वेगाने जात होता. तर कोळीसरे येथील माजी सैनिक आर डी तथा रामचंद्र देमाजी सावंत हे आपल्या ऍक्टिव्हा दुचाकी गाडीने कोळीसरे ते खंडाळा या ठिकाणी आपल्या खाजगी कामानिमित्ताने चालले होते. खंडाळा येथील महावितरण कार्यालया जवळ त्यांच्या दुचाकीला बल्गरने मागून जोरदार धडक दिली. बल्गरची धडक इतकी जोरात होती की दुचाकीवर मागे बसलेला दर्शिल प्रमोद सावंत या शाळकरी चिमुरड्याचा रस्त्यावर आदळून जागीच मृत्यू झाला तर आजोबा रामचंद्र सावंत हे जखमी झाले आहेत.

या अपघाताची माहिती मिळताच कोळीसरेसह संपूर्ण खंडाळा परिसरातील ग्रामस्थ मोठ्या प्रमाणात एकवटले होते. त्यांनी तात्काळ रास्तारोको करून जिंदाल कंपनी च्या सर्व अवजड वाहनांना थांबविण्याची विनंती करून यापुढे एकही वाहन आम्ही सोडू देणार नाही,असा आक्रमक पवित्रा घेतला आहे. त्यामुळे तणाव निर्माण झाला. पोलीसांचे वरिष्ठ अधिकारी रात्री खंडाळा येथे दाखल झाले होते.

Web Title: 10 Years Child Death By Two Wheeler Accident

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :accidentdeath