रत्नागिरीत तीन कोरोना बाधितांचा मृत्यू तर अख्खे पोलिस ठाणे, सोनाग्राफी सेंटर, डॉक्टर क्वारंटाईन....

रत्नागिरी : जिल्हा रुग्णालयात उपचार घेत असणाऱ्या कोरोना पॉझिटिव्ह तीन रुग्णांचा आज मृत्यू झाला. यामध्ये रत्नागिरीतील 2 व खेड येथून रत्नागिरीत उपचारासाठी आलेल्या एका रुग्णाचा समावेश आहे.  त्यातील एकाची किडनी खराब झाली होती.  एका रुग्णाला काल रात्री अस्वस्थ झाल्यामुळे सिव्हिल मध्ये दाखल करण्यात आले होते.  रत्नागिरीतील मृतांचा आकडा दिवसेंदिवस वाढत आहे.

तसेच जयगड पोलीस ठाण्यातील एका महिला कर्मचाऱ्याला कोरोनाची लागण झाल्यानंतर आरोग्य विभागाची तारांबळ उडाली आहे. पोलीस  स्थानकातील वरिष्ठ अधिकाऱ्यांसह 13 जण, खाजगी डॉक्टर्स, सोनोग्राफी सेंटरचे कर्मचारी क्वारंटाईन करण्यात आले आहेत.

हेही वाचा- कोकणातील तरूणांनी भक्कम एकजुट ;  20 गरोदर महिलांसह कोकणी लोकांना मायदेशी परतण्यास केली मदत....

जिल्ह्यात बुधवारी एकाच दिवसातील सर्वाधिक रुग्ण सापडले. जिल्ह्यात 89 तर रत्नागिरी तालुक्यात 13 पॉझिटिव्ह रुग्ण सापडून आले. रत्नागिरी तालुक्यात सापडलेल्या 13 रुग्णांमध्ये 2 पोलीस कर्मचाऱ्यांचा समावेश आहे. यापैकी 1 जयगड पोलीस स्थानकातील महिला कर्मचारी आहे. या महिला कर्मचाऱ्याला कोरोनाची लागण झाल्याने अनेकांना क्वारंटाईन व्हावे लागले आहे.  

पॉझिटिव्ह आलेली महिला कर्मचाऱ्याला कोणताही प्रवासाचा इतिहास नसल्याने कोरोनाची लागण झाली कशी हे शोधण्याचे मोठे काम आरोग्य विभागाच्या अधिकाऱ्यांसमोर आहे. महिला कर्मचारी पॉझिटिव्ह आल्याने जयगड पोलीस स्थानकातील 13 जणांना क्वारंटाईन व्हावे लागले आहे. 

हेही वाचा- रक्ताच्या नात्यांनी नाकारले : अनोळखी खांद्यांवरूनच झाला अखेरचा प्रवास -

या महिलेला स्टोनचा त्रास असल्याने ही महिला कर्मचारी रत्नागिरीतील एका सोनोग्राफी सेंटरमध्ये तपासणी करीता देखील आली होती. या ठिकाणच्या स्टाफला देखील क्वारंटाईन करण्यात आले आहे. जयगडमध्ये एका खाजगी डॉक्टरसह या कर्मचारी महिलेने रत्नागिरीतील एका खाजगी रुग्णालयात उपचार करून घेतले होते. या दोन डॉक्टरसह रुग्णालयातील स्टाफला देखील क्वारंटाईन करण्यात आले आहे. 

रत्नागिरी तालुक्यातील कोरोनाबाधितांची संख्या दिवसेंदिवस वाढत आहे. जिल्ह्यात 80 ऍक्टिव्ह कंटेन्मेंट झोन यापैकी 18 झोन रत्नागिरी तालुक्यात आहेत. मागील काही दिवसांपासून रत्नागिरी शहर आणि तालुक्यात कोरोनाचा फैलाव सातत्याने वाढत असल्याचे दिसून येत आहे.

हेही वाचा- तो` सरकारचा जावई?, असा प्रश्न करत आमदार राणे का संतापले? -

दरम्यान बुधवारी सापडलेल्या 13 रुग्णांमध्ये 2 पोलीस कर्मचारी आहेत. तर दोन नर्सिंग विद्यार्थिनींचा सामवेश आहे. यासह एमआयडीसी येथील कंपनीतील आणखी 2 कर्मचाऱ्यांना कोरोनाची लागण झाली आहे. नव्याने सापडलेल रुग्ण नर्सिंग हॉस्टेल, जुवे, कसोप, अभ्युदय नगर, आयटीआय नजिक रनप कर्मचारी वसाहत, शिरगाव, आझाद नगर, सौभाग्य नगर, जेल वसाहत आणि दोन संस्थात्मक क्वारंटाईन मधील रुग्णांचा समावेश आहे.

संपादन - अर्चना बनगे