Sindhudurg: सिंधुदुर्गच्या वेंगुर्ले बंदरात बोट उलटून 7 खलाशी बुडाले

वेंगुर्ले : येथिल बंदर येथे रात्री बुडालेली होडी आज सकाळी मूठ येथील समुद्रात सकाळी १० वाजण्याच्या सुमारास आढळली असून ती मच्छीमारांनी वेंगुर्ले बंदरात आणली आहे.  या होडी मध्ये एकूण ७ खलाशी होते यातील ४ खलाशी बेपत्ता होते तर तिघांनी पोहत किनारा गाठला. नंदा ठाकू हरिक्रांता ( वयः ४९,) राजा कोल (वयः २९ )व सचिन कोल अशी बचावलेल्याची नावे आहेत.

बुडालेल्या चार खलाशांपैकी रत्नागिरी येथील महादेव शंकर आंबेरकर (वय  ६६ ) यांचा मृतदेह मोचेमाड समुद्रात मिळाला आहे. पोलिसांनी तो मच्छीमारांच्या सहाय्याने बाहेर काढून शवविच्छेदनासाठी वेंगुर्ले ग्रामीण रुग्णालयात पाठविला आहे.

बेपत्ता  खलाशांच्या शोधसाठी कोस्टगार्डच्या हेलिकॉप्टर व बोटीद्वारे शोध कार्य सुरू आहे. बंदरावर सर्व विभागांचे अधिकारी तसेच तहसीलदार ओकार ओतारी, फिशरीजचे अधिकारी रवींद्र मालवणकर यांच्यासह अन्य अधिकारी उपस्थित आहेत.बेपत्ता असलेल्यामध्ये मध्यप्रदेश येतील आझान मुनीलाला कोल (वयः १६), चांद गुलाम महम्म्द, व शिवराम कोल यांचा समावेश आहे.

तर काल अकोलेमधील अहमदनगर-प्रवरा नदीत एसडीआरफची बोट उलटली आहे.एका बुडालेल्या व्यक्तीचा शोध घेण्यासाठी एसडीआरफ पथकाची बोट उलटली. या बोट दुर्घटनेत ५ जण बुडाले. तिघांचा मृत्यू झाला तर दोघांचा शोध सुरु आहे. या घटनेचा थरारक व्हिडीओ आता समोर आला आहे.