प्रतिकारशक्ती वाढवण्याच्या नव्या फंड्यात खवय्यांची बकऱ्याचे पाय आणि मुंडीला पसंती

सावंतवाडी : कोरोनामुळे लोक प्रतिकारशक्ती वाढवण्यासाठी नवनवे फंडे आजमावताना दिसत आहेत. याचा मार्केटवरही परिणाम दिसू लागला आहे. सिंधुदुर्गात अशा मानसिकतेमुळे अनेकजण मटणापेक्षा बकऱ्याच्या पायाला व मुंडीच्या खरेदीसाठी मटण मार्केटमध्ये गर्दी करू लागले आहेत. यामुळे याच्या किमती दुप्पट झाल्या आहेत.

हेही वाचा - ना वर्गणी, ना पुस्तक खरेदी, कर्मचार्‍यांना पगार देणार तरी कसा ?

सर्वत्र कोरोनाचा प्रादुर्भाव वाढत असतानाच नागरिकांकडून कोरोनावर मात करण्यासाठी वेगवेगळ्या वैशिष्ट्यपूर्ण उपाययोजना होताना दिसत आहे. कोरोनाला लांब ठेवण्यासाठी मिळेल तो उपाय करत आहेत. त्यातच बकऱ्याच्या मटणापेक्षा बकऱ्याचा पाय आणि मुंडीचा सूप पिला तर कोरोना पळतो, असा समज धरून अनेकजण मटणापेक्षा बकऱ्याच्या पायाला व मुंडीच्या खरेदीसाठी मटण मार्केटमध्ये गर्दी करताना दिसून येत आहेत. 

एरव्ही मटण विक्रेत्यांना मुंडी व पायासाठी ग्राहक शोधावे लागत होते; पण आता आदल्या दिवशी फोन लावून नंबर लावताना दिसत आहे. कोरोना काळात अनेक धंदे तेजीत आले असतानाच याही एका व्यवसायाला वाट मिळवून दिल्याचे चित्र आहे.  

हेही वाचा - कोकणात जिल्हा परिषदेच्या वीस शाळांमध्ये सेमी इंग्रजी 

संपादन - स्नेहल कदम