चिपळूण - चिपळूण तालुक्यात गांजा आणि अमली पदार्थांची खुलेआम विक्री सुरू आहे. या नशाबाजीच्या विळख्यात तरूण पिढी सापडून अनेक किशोरवयीन मुले आणि तरुण बरबाद झाले आहेत. अनेकजण त्याच मार्गावर आहेत. गांजी विक्रीवर कारवाई कारवाई व्हावी यासाठी राष्ट्रवादी काँग्रेसचे शिष्ठमंडळ आज पोलिस ठाण्यावर धडकले.
चिपळूण शहर आणि ग्रामीण भागात खुलेआम गांजा विकला जात आहे. त्यावर कोणाचेही अंकुश नाही. काही दिवसापूर्वी सावर्डे येथे स्थानिक गुन्हे अन्वेषण शाखेच्या पथकाने एका घरावर धाड टाकून 90 हजार रुपयाचा गांजा जप्त केला होता. ग्रामीण भागातील तरूण गांजा घेण्यासाठी शहरात येतात. कोपर्या-कोपर्यांत चौकशी करून नशेची ’वस्तू’ शोधून काढतात. याबाबत काही ग्रामस्थांनी पोलिसांकडे तक्रारी केल्या होत्या. मात्र प्रकारांची तक्रार करणार्या नागरिकांना मात्र ’नेमकी ठिकाणे दाखवा, कारवाई करू’, असे घोटीव उत्तर पोलिस अधिकार्यांकडून ऐकायला मिळाले. त्यानंतर काहींनी राष्ट्रवादी काँग्रेसचे नेते शौकत मुकादम यांच्याकडे धाव घेतली. त्यानंतर मुकादम हे राष्ट्रवादीचे शिष्टमंडळ घेवून आज पोलिस ठाण्यावर धडकले. तालुक्यात सुरू असलेल्या अवैध गांजा विक्रीवर कारवाई करण्याची मागणी त्यांनी पोलिसांकडे केली आहे. यावेळी राष्ट्रवादी कांँग्रेसचे तालुकाध्यक्ष जयंद्रथ खताते, शहरप्रमुख मिलिंद कापडी, क्षेत्रप्रमुख एकनाथ साळवी, विद्यार्थी काँग्रेसचे जिल्हाध्यक्ष सनी आरेकर आदी उपस्थित होते.
हे पण वाचा - शहीद जवान संग्राम पाटील यांचे स्वप्न अधुरे....
तस्करीचे रॅकेट
काही स्थानिकांच्या मदतीने गांजाची तस्करी होते. पुढे दलालांमार्फत गावातील ठराविक ठिकाणी त्याची विक्री केली जात असल्याचे समजते. जोमात चालणार्या गांजा आणि अमली पदार्थांच्या विक्रीने तरुणाई मात्र विळख्यात सापडत आहे. पोलिसांनी कारवाई केली नाही तर राष्ट्रवादीतर्फे आंदोलन छेडले जाईल.
-शौकत मुकादम, प्रदेश उपाध्यक्ष राष्ट्रवादी काँग्रेस अल्पसंख्याक सेल
संपादन - धनाजी सुर्वे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.