COVID-2019 : लक्षणे आढळल्यास स्वता:हून या.. अन्यथा होईल ही कारवाई...

रत्नागिरी : कोरोना विषाणूची बाधा झालेला एक संशयित जिल्ह्यात सापडल्यानंतर त्याचा प्रसार रोखण्यासाठी जिल्हा प्रशासनाने कठोर पावले उचलली आहेत.

जीवनावश्यक वस्तू सोडता जिल्ह्यातील हॉटेल, दारू दुकाने, टपर्‍या, धार्मिक स्थळे आदी बंद करण्याचा निर्णय घेतला आहे. आतापर्यंत संशयितांची संख्या 11 झाली आहे.

संशयितांची संख्या 11 पर्यत

हेही वाचा- दुबईहून आलेल्या पाहुण्याने चांगलीच उडवली धांदल...

आजपासून जमावबंदी कायद्याचीही कडक अंमलबजावणी केली जाणार आहे. परदेशातून येणार्‍या किंवा बाधित भागातून आलेल्या व्यक्तीमध्ये लक्षणे दिसू लागल्यास स्वतःहून जिल्हा रुग्णालयात दाखल व्हावे.

हेही वाचा-COVID2019 : महाराष्ट्रात कोरोनाच्या संख्येत वाढ : रत्नागिरीत सापडला कोरोनाचा रुग्ण....

लक्षणे दिसल्यास रुग्णालयात दाखल व्हा

दुर्दैवाने तो संशयित निघाल्यास त्याच्यासह कुटुंबावर गुन्हे दाखल केले जातील, असा इशारा जिल्हाधिकारी लक्ष्मीनारायण मिश्रा यांनी दिला. जिल्हाधिकारी कार्यालयात आयोजित पत्रकार परिषदेत बोलत होते. यावेळी जिल्हा पोलिस अधीक्षक डॉ. प्रवीण मुढे, निवासी उपजिल्हाधिकारी दत्तात्रेय भडकवाड उपस्थित होते.