सावंतवाडी (सिंधुदुर्ग)- शहरात रूग्णसंख्येत वाढ होत असून माठेवाडा आणि भटवाडी येथे एकूण तीन रूग्ण आढळले. कुडाळ येथे गेल्यामुळे दोघे पॉझिटिव्ह निघाल्याचे आरोग्य विभागाने सांगितले.
माठेवाडा परिसरात कंटेन्मेंट झोन लागू झाला आहे. तर भटवाडी येथेही एक महिला कोरोना पॉझिटिव्ह आढळली. सोनुर्ली येथेही दोन महिला शुक्रवारी कोरोना पॉझिटिव्ह आढळल्या होत्या. तालुक्याची शतकाकडे वाटचाल सुरू असून आतापर्यंत 97 एवढी रुग्णसंख्या झाली आहे. संबंधित महिला भटवाडी येथे होमक्वारंटाईन होती. तिचा स्वॅब टेस्ट आज पॉझिटिव्ह आला.
माठेवडा येथील दोघेजण कुडाळला गेले होते. त्यांची कुडाळ येथे तपासणी केली असता ते पॉझिटीव्ह निघाले. सद्यस्थितीत शहरात 5 सक्रीय कोरोनाचे रुग्ण आहेत. त्यामुळे आता कोरोना पॉझिटीव्ह रुग्णांची संख्या 20 झाली आहे. यातील एकाचा मृत्यू झाला असून 14 जण उपचार घेऊन बरे झाले आहेत. ते घरी परतले आहेत.
शहरातील माठेवाडा येथील 50 मिटरचा परिसर कंटेन्मेंट झोन म्हणून जाहीर केला आहे. कंटेन्मेंट झोनमध्ये 28 पर्यंत रात्री 12 वाजेपर्यंत सर्व आस्थापने, दुकाने, वस्तूविक्री बंद राहणार आहे. आदेशाचे उल्लंघन करणाऱ्यांविरुद्ध आपत्ती व्यवस्थापन कायदान्वये कारवाई करण्यात येणार आहे. सोनुर्ली येथील 2 महिला कोरोना पॉझिटिव्ह आढळल्या आहेत. या दोन्ही महिला होम क्वारंटाईन होत्या. तालुक्याची रुग्णसंख्या 97 झाली आहे.
संपादन - राहुल पाटील
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
