सिंधुदुर्गात कोरोनाचा कहर; नवे 197 रूग्ण

ओरोस - सिंधुदुर्गात (Sindhudurg) कोरोनाने (Corona) आज कहर केला. तब्बल १९७ रुग्ण (Patients) मिळाले आहेत. यामुळे सक्रिय रुग्णसंख्या एक हजाराच्या पुढे गेली आहे. सर्वाधिक ४१ रुग्ण कणकवली तालुक्यात मिळाले असून १५ रुग्ण कोरोनामुक्त (Coronafree) झाले आहेत. ८९९ नमुने आज तपासण्यात आले आहेत.

जिल्ह्यात आतापर्यंत एकूण ५४ हजार ३२३ कोरोना रुग्ण मिळाले आहेत. यातील ५१ हजार ८५६ रुग्ण कोरोनामुक्त झाले आहेत. १४६६ रुग्णाचे निधन झाले आहे. १००१ रुग्ण उपचार घेत आहेत. यातील ३९ रुग्ण शासन निर्मित कोविड केअर सेंटर, कोविड हेल्थ सेंटर व डेडिकेटेड कोविड हॉस्पिटल या शासकीय संस्थेत उपचार घेत आहेत. उर्वरित ९६२ रुग्ण होम आयसोलेटेड आहेत, अशी माहिती प्रभारी जिल्हा शल्य चिकित्सक डॉ श्रीपाद पाटील यानी दिली.

जिल्ह्यात आज मिळालेले रुग्ण (कंसात एकूण रुग्ण) देवगड १३ (६६६२), दोडामार्ग २५ (२९१८), कणकवली ४१ (१०२५१), कुडाळ ३६ (१११८४), मालवण २२ (७९५०), सावंतवाडी ३१ (७८३८), वैभववाडी ६ (२४३३), वेंगुर्ले १८ (४८१४), जिल्ह्याबाहेरील ५ (२७३). तालुका निहाय सक्रीय रुग्ण (कंसात मृत्यूचा आकडा) देवगड ७६ (१८०), दोडामार्ग ११७ (४५), कणकवली १८७ (३००), कुडाळ २१२ (२४३), मालवण १३४ (२८९), सावंतवाडी १४८ (२०७), वैभववाडी ३५ (८२), वेंगुर्ला ७७ (१११) जिल्ह्याबाहेरील रुग्ण १५ (९).

१००१ रुग्ण सक्रिय असून त्यापैकी १२ रुग्णाची प्रकृती चिंताजनक आहे. यातील १० रुग्ण ऑक्सिजनवर तर दोन रुग्ण व्हेंटिलेटरवर उपचार घेत आहे. आर.टी.पी.सी.आर टेस्ट मध्ये ३ लाख २४ हजार ४८२ नमुने तपासण्यात आले. यातील ३८ हजार ९४६ नमुने पॉझिटिव्ह आले आहेत. आज नव्याने ७१७ नमूने घेण्यात आले. ॲन्टिजन टेस्टमध्ये एकूण २ लाख ८५ हजार ७९३ नमुने तपासले. पैकी १५ हजार ७७९ नमुने पॉझिटिव्ह आले आहेत. आज नवीन १८२ नमूने घेण्यात आले. आतापर्यंत एकूण ६ लाख १० हजार २७५ नमूने तपासण्यात आले.