सावंतवाडी : मोती तलावातील मासेमारीतून तीन लाख उत्पन्न | Sakal
sakal

बोलून बातमी शोधा

Moti Lake fishing
सावंतवाडी : मोती तलावातील मासेमारीतून तीन लाख उत्पन्न

सावंतवाडी : मोती तलावातील मासेमारीतून तीन लाख उत्पन्न

सावंतवाडी : येथील पालिकेच्या मोती तलावातून (Moti Lake)येणाऱ्या माशांमुळे पालिकेच्या उत्पन्नात वाढ झाली आहे. चार महिन्यांत तब्बल तीन लाख एवढे उत्पन्न पालिकेला प्राप्त झाले. त्यासाठी पालिकेला कुठल्याही प्रकारचा देखभाल खर्च न करता हे उत्पन्न मिळत आहे.येथील पालिकेकडून पाळणेकोंड धरण आणि आणि मोती तलाव या दोन ठिकाणी तयार होणारे मासे विकले जातात. त्यातून दरवर्षी पालिकेला मोठ्या प्रमाणात उत्पन्न प्राप्त होते. अलिकडच्या काळात पालिकेकडून मोती तलावातील माशांचा(fishing) ठेका एका एजन्सीला दिला आहे. बांदा येथील स्थानिक एजन्सी तलावातील मासे पकडून ते पश्चिम महाराष्ट्र मराठवाडा या भागात विकते. यासाठी प्रति किलोमागे ठरलेल्या दराप्रमाणे पालिकेला पैसे भरते. गेल्या पाच महिन्यांमध्ये मोती तलावातील कटला आणि तिलापिया (Katla and Tilapia fish)या दोन जातीच्या माशांपासून पालिकेला तब्बल तीन लाख एवढे निव्वळ उत्पन्न मिळाले आहे.

हेही वाचा: मुलीच्या छेडछाडीच्या कारणावरून झालेल्या मारहाणीत युवकाचा मृत्यू

संबंधित ठेका घेतलेली एजन्सी, माशांना खाद्य देण्यापासून तलावात मत्स्यबीज सोडण्याचे काम स्वतः करते. यासाठी येणारा खर्च संबंधित एजन्सी उचलत आहे. त्यामुळे पालिका प्रशासनाला माशांच्या वाढीसाठी कुठलाही खर्च करावा लागत नाही. सद्यस्थितीत दोन वर्षासाठी बांदा येथे एजन्सीला मोती तलावातील माशांचा ठेका दिला आहे. गेल्या चार महिन्यात तब्बल चार ते पाच वेळा या ठिकाणी मासेमारी करण्यात आली आहे. त्यासाठी विशेष मच्छिमार या ठिकाणी आणून तलावातील मासे पकडले जातात. पाण्यात थर्माकोलच्या आधारे तरंगत हे मासे पकडले जातात. सध्या मोती तलावांमध्ये मासेमारी सुरू असून पकडण्यात आलेले माशांचे वजन पालिकेच्या पाणीपुरवठा विभागाच्या कर्मचाऱ्यांकडून सायंकाळी दरदिवशी केले जाते.

हेही वाचा: चीनच्या नद्यांवरील डेटासाठी भारताने मोजले तब्बल 158 दशलक्ष रुपये

या ठिकाणी तिलापिया हा मासा जवळपास एक किलोच्या आसपास असतो, असे मच्छीमार यांच्याकडून सांगण्यात आले. पकडण्यात आलेले हे मासे पश्चिम महाराष्ट्र तसेच मराठवाडा भागात विकले जातात. हॉटेल व्यवसाईक तसेच अन्य मच्छी खवय्ये हे मासे विकत घेतात. पुणे, इंदापूर, बारामती, सोलापूर, उस्मानाबाद, लातूर, बीड, सांगली, सातारा आदी भागात या माशाला मोठी मागणी आहे, असेही त्यांनी सांगितले.

पालिकेला भरघोस उत्पन्न

मोती तलावात सोडण्यात आलेला कटला व तिलापिया या दोन मासाला वेगवेगळे दर आहेत. कटला या माशाला किलोमागे ५२ रुपये दर संबंधित एजन्सी पालिकेला देते तर तिलापिया या माशाला १८ ते २० रुपये दर पालिकेला मिळतो. एकूणच मोती तलावातील माशाच्या उत्पत्तीपासून पालिकेच्या उत्पन्न मोठ्या प्रमाणात भर पडते.

कुणकेरी येथील पाळणेकोंड धरणातूनही पालिकेला दरवर्षी फायदा होतो. या धरणाचे पाणी पिण्यासाठी तसेच इतर कशासाठी वापरले जात असल्याने या ठिकाणी वर्षातून एकदाच मासेमारी केली जाते.

- भाऊ भिसे, पाणीपुरवठा विभाग

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top