सिंधुदुर्गात लसीकरणाला सुरूवात

कणकवली (सिंधुदुर्ग) : चक्रीवादळामुळे (Tauktar Cyclone) गेल्या शनिवारपासून बंद ठेवण्यात आलेले लसीकरण (Covid 19 Vaccine)जिल्ह्यात पुन्हा एकदा सुरू होत आहे. जिल्ह्यातील पूर्वनियोजित केंद्रावर 45 वर्षे वरील नागरिक आणि ज्येष्ठ नागरिकांना यादीप्रमाणे दुसरा डोस (Second Vaccine)आज पासून दिला जाणार आहे. अशी माहिती आरोग्य विभागाकडून देण्यात आली आहे जिल्ह्यात 2200 डोस प्राप्त झाले आहेत.

Covid 19 vaccination in Sindhudurg from today covid 19 update marathi news

कोकण किनारपट्टीवर शनिवारपासून चार दिवस चक्रीवादळ आणि मुसळधार पावसाने हाहाकार माजवला होता यामुळे संपर्काचे साधन पूर्णतः कोलमडून गेले होते. विविध लसीकरण केंद्रांवरील वीजपुरवठाही खंडित झाला होता. त्यामुळे जिल्हाधिकाऱ्यांनी 18 मे पर्यंत लसीकरण मोहिमेला स्थगिती दिली होती.

हेही वाचा- चिंताजनक! प्रत्येक तासाला कोरोनाचे दोन बळी; १७ दिवसांत ८४७ मृत्यू

आता जिल्ह्यातील बहुतांशी लसीकरण केंद्रावरील वीज पुरवठा सुरळीत झाला आहे. तसेच संपर्काची माध्यमं ही कार्यान्वित झाल्याने जिल्ह्यातील लसीकरण केंद्रावर आज पासून दुसरा डोस प्राधान्याने दिला जाणार आहे.ज्या नागरिकांनी यापूर्वी डोस घेतला आहे. अशा नागरिकांना यादीप्रमाणे लसीकरण केले जाणार आहे.

Covid 19 vaccination in Sindhudurg from today covid 19 update marathi news