चिंताजनक! प्रत्येक तासाला कोरोनाचे दोन बळी; १७ दिवसांत ८४७ मृत्यू

कोल्हापूर : कोरोना( Covid 19 Died)मृत्यूचा दर देशात सर्वाधिक असलेल्या कोल्हापूर जिल्ह्यात (Kolhapur District)गेल्या १७ दिवसांत तासाला दोघांचा कोरोनामुळे मृत्यू झाला आहे. इतर जिल्हा व परराज्यातील रुग्णांच्या मृत्यूची संख्या वजा केल्यास जिल्ह्याचा मृत्युदर आजही २.८४ टक्के आहे, तर ती संख्या गृहीत धरल्यास हाच दर तब्बल ३.९४ वर जातो.

जिल्ह्यात १ ते १७ मेअखेर कोरोनाचे तब्बल २१ हजार ४५४ बाधित आढळले, ८४७ मृत्यू झाले. मृत्यू झालेल्या रुग्णांत इतर जिल्हा व राज्याबाहेरील ९७ रुग्णांचा समावेश आहे. फक्त कोल्हापूर जिल्ह्यात १७ दिवसांत ७५० रुग्णांचा मृत्यू झाला आहे. जिल्ह्याबरोबरच कोल्हापूर शहरातही मृत्यूचे प्रमाण सुमारे २.७२ टक्के आहे. शहरात १७ दिवसांत पाच हजार १४० रुग्ण सापडले. यापैकी १४० जणांचा मृत्यू झाला. शहर व जिल्ह्याबाहेरील मृत रुग्णांची संख्या वजा जाता जिल्ह्यात ६१० जणांचा बळी घेतला आहे.

हेही वाचा- दहावी निकालाचे काही ठरेना; विद्यार्थी, पालक संभ्रमावस्थेत

जिल्ह्यात पाच मे नंतर कोरोनामुळे मृत्युसंख्येत वाढ झाली. यात सर्वाधिक ६२ मृत्यू हे १५ मे रोजी झाले आहेत, तर १२ मे रोजी जिल्ह्यात एकाच दिवशी २२७४ पॉझिटिव्ह आढळले. वर्षभरातील हा सर्वात मोठा आकडा आहे. गेल्यावर्षी पाच सप्टेंबरला जिल्ह्यात सर्वाधिक १७८६ एवढे पॉझिटिव्ह आढळले होते.

तारीख - रुग्ण-मृत्यू-शहरातीलरुग्ण-शहरातील मृत्यू-परजिल्ह्यातीलमृत्यू-जिल्ह्यातील मृत्यू

१ ११२३ ३७ २४२ ८ ४ २५

२ ८१६ ३४ १७७ ३ ४ २७

३ ९३० ३५ २२९ ८ २ २५

४ ९८४ ४४ २१९ ९ ६ २९

५ १५५३ ५३ ३६० १३ ५ ३५

६ १६१३ ५४ ४०१ ४ ७ ४३

७ १०८६ ६० ३०८ ७ १० ४३

८ ९९६ ४६ १९४ १३ ७ २६

९ ९२१ ५० २११ १० ७ ३३

१० ९९८ ६१ २५२ ११ ९ ४१

११ १४९४ ५१ ३७५ ९ ५ ३७

१२ २२७४ ५८ ४२८ १४ ५ ३९

१३ १३०९ ५३ ४२७ ३ ४ ४६

१४ १०५४ ४७ २६६ ८ ६ ३३

१५ १७६१ ६२ ३७५ ११ ५ ४६

१६ ११६७ ५२ २९५ १४ ६ ३२

१७ १३७५ ५० ३८१ ५ ५ ४०

एकूण २१,४५४ ८४७ ५१४० १४० ९७ ६००